I un n program de gestiun dla biblioteca nü. I sun tl laur da mudé y ajorné i tesć.

Cun le sorvisc „Cunt d’imprëst" ti dunse la poscibilité a nüsc utilisadus scrić ite da ti ćiarè, do la registraziun, a so cunt d’imprëst, da arlungé le terminn d’imprëst y da prenotè libri.

L’archirida po gnì fata sides dai utilisadus scrić ite co dai utilisadus nia scrić ite.
L’utilisadù fej les archirides tl catalogh dla biblioteca. Tla visualisaziun menüda di media singui pol apostè y prenotè n liber tres le botun „Prenotaziun“. Mo por fà chësc mëss l’utilisadù se registré.


Iscriziun (login, registraziun)

I utilisadus po da śëgn inant se registré cun so numer de letur (numer dla tessera dla biblioteca) y süa password.
Metede averda: i podëis ma se registré tres le web sce i ëis bele na tessera dla biblioteca. La tessera dla biblioteca ves vëgn ma dada te biblioteca. La biblioteca mëss porchël bele conësce l’utilisadù y sü dać mëss bele ester tla banca dać.
Scriede fora i dui ćiamps odüs danfora „Numer dla tessera dla biblioteca“ (le numer é da dè ite avisa sciöch’al é scrit sön la tessera dla biblioteca) y „Password“ (dede ite osta data de nasciüda te chësta forma: dd.mm.aaaa o la password che I ëis ciafè o che I ëis chirì fora).
Sce chëstes döes informaziuns stimenëia tla banca dać, vëgnel ćiarè do sce i ëis bele dè dant na misciun e-mail. Sce ara ne foss nia insciö, ves vëgnel damanè da dè ite osta misciun e-mail. A chësta misciun ves gnaràl menè dötes les comunicaziuns dla biblioteca Teßmann.

Desmentié la password

Sce n utilisadù che s’à bele registré ess da se desmentié la password, pol s’la damanè danü sön la homepage („Cunt d’imprëst“). Por fà chësc dàn ite le numer dla tessera dla biblioteca y an drüca spo sön le botun „Desmentié la password“, an dà ite ćiamò n iade le numer dla tessera dla biblioteca y drüca sön le botun „Menè demez“. La password nöia ti vëgn menada ala misciun e-mail dl utilisadù y po, do la registraziun ti “Dać di utilisadus”, gnì mudada canchessî.


Ćiarè do tl cunt d’imprëst

L’utilisadù à dagnora la poscibilité da ti ćiarè tres le www a sü dać de utilisadù, ai libri ch’al à imprestè fora, ales prenotaziuns ch’al à fat y ales tarifes.

Mudaziun di dać dl utilisadù

La password y la misciun e-mail memorisades po gnì mudades dal utilisadù instës. Al vëgn ghiré che i dać nüs vëgnes dà ite dui iadi a na moda da filtré i fai de batüda. A düć i atri dać dl utilisadù pon ma ti ćiarè tres le www; chisc dać po ma gnì mudà dal personal dla biblioteca.

Ti ćiarè ales registraziuns y arlungé

Al basta n clich sön le botun „Registraziuns d’imprëst“ por ciafè na lista di media imprestà fora. Döt ći che é gnü imprestè fora dal utilisadù po gnì arlungé dal utilisadù instës tl cheder di terminns d’imprëst dà dant dala biblioteca.

Fà na prenotaziun

Pornanche le utilisadù s’à registré pol fà na prenotaziun. Scenò - sce l’utilisadù ne s’à nia registré - odaràl n botun che le ortia inant ala registraziun.
Vigni medium, che é gnü cuntrassegné dala biblioteca sciöche da imprestè, po gnì prenotè dal utilisadù y al po gnì a se le dô tl tëmp de 10 dis pro la portina d’imprëst. Chësta informaziun ti vëgn inće menada por e-mail al utilisadù.

Sce zacai à bele imprestè fora le medium o sce al é impormò gnü apostè te na botëga dai libri, vëgnel fat automaticamënter na prenotaziun sce an drüca sön le botun „Prenotè“: l’ utilisadù ciafa, do ch’al à prenotè, na e-mail cun les informaziuns corespognëntes. Pornanche le medium röia te biblioteca ciafa l’utilisadù automaticamënter na comunicaziun por e-mail. Al po gnì a se dô le medium tl tëmp de 10 dis pro la portina d’imprëst.

Ti ćiarè ales prenotaziuns

Tres le botun „Prenotaziuns“ pon ti ćiarè ales prenotaziuns personales; chëstes po gnì straihades dal utilisadù instës sce la biblioteca ne ti les à nia ćiamò metüdes a desposiziun. Do che l’utilisadù à straihé la prenotaziun ciàfel na e-mail cun les informaziuns corespognëntes.  

Cont de mprëst online (tudësch) (I un n program de gestiun dla biblioteca nü. I sun tl laur da mudé y ajorné i tesć.)


Spediziun ales biblioteches che tol pert al imprëst interbibliotecar danter les biblioteches dl Südtirol

I utilisadus de chëstes biblioteches po se lascè ortié i media dala Biblioteca provinziala te chëstes biblioteches: Eppan, Türesc, Toblach, Porsenù, Bornech, Egna (Biblioteca comunala todëscia y Biblioteca comunala Endidae), La Ila, Lana, Laives (Biblioteca Don Bosco), Malles, Maran, Ortijëi, Solaneres y Sterzing. I dëis jö la domanda te öna dles biblioteches nominades dessura, che prenotëia le medium che i orëis tres osc cunt d’imprëst pro la Biblioteca provinziala.
I utilisadus scrić ite tla Biblioteca provinziala à, canche ai prenotëia n medium, la poscibilité da se le lascè ortié a öna dles biblioteches che é daimprò da d’ëi. Por fà chësc messëise, canche i apostëis y denant che menè demez la prenotaziun, chirì fora la biblioteca corespognënta.
Ales biblioteches che tol pert al imprëst interbibliotecar danter les biblioteches dl Südtirol ti vëgnel ma ortié i media dan man. La spediziun vëgn fata vigni edema.
Por les prenotaziuns che röia adalerch ćina al dedolönesc, vêlel tles biblioteches chisc dis de spediziun:
vëndres: Porsenù, Malles, Maran, Solaneres/Schlanders, Sterzing, Urtijëi
sabeda: Eppan, Türesc, Bornech, Toblach, Egna (Biblioteca comunala todëscia y Biblioteca comunala Endidae), Laives (Biblioteca Don Bosco), Lana
Mertesc: La Ila

Pruspet "Imprëst interbibliotecar danter les biblioteches dl Südtirol"