Por s’anuzé dla Biblioteca provinziala ne vëgnel ghiré degönes spëises, ater co ti caji odüs danfora te chësc regolamënt dles tarifes. Al utënt ti vëgnel dantadöt metü a desposiziun debann i sorvisc de informaziun y de consulënza, sciöche inće i mesi d’informaziun dla Biblioteca provinziala, dantadöt i catalogs, les bibliografies, les operes de consultaziun, les banches dać y i sorvisc online cun i injins che alda laprò. La Biblioteca provinziala dëida inće l’utënt chirì informaziuns y fà archirides bibliografiches tan inant che ara va.

Por i cosć lià ala restituziun tardia di media, por les fotocopies y les stampes, por l’azès a internet, sciöche inće por i imprësć internazionai vëgnel ghiré chëstes tarifes dai utënć dla Biblioteca provinziala:

1. Tarifes de amoniziun (tarifes d’omisciun)

Tl caje de retüda tardia vëgnel ghiré por vigni medium chëstes tarifes d’amoniziun:

1. amoniziun (1 n dé do le terminn de imprëst)
2,00 € por vigni medium
2. amoniziun (14 dis do le terminn de imprëst)
4,00 € por vigni medium
3. amoniziun (28 dis do le terminn de imprëst)
6,00 € por vigni medium
4. amoniziun (42 dis do le terminn de imprëst)  8,00 € por vigni medium

Vigni amoniziun suraprò vëgn fata vigni 14 dis y la tarifa d’amoniziun vëgn alzada de 2,00 € por vigni medium.

2. Tessera dla biblioteca

La pröma tessera dla biblioteca vëgn fata debann y ara ti conzed al utënt da imprestè fora media pro la Biblioteca provinziala. Sce l’utënt se perd la tessera ti nen vëgnel fat na nöia por 3,00 €. La pordüda dla tessera dla biblioteca mëss atira ti gnì lasciada alsavëi ala biblioteca a na moda che ara pois gnì blocada por le imprëst.

3. Imprëst internazional y document delivery

Por vigni medium fornì tres imprëst internazional mëss l’utënt paié chëstes tarifes:

tarifa pausciala por vigni liber 
4,00 € 
tarifa de basa por vigni articul
1,00 € 
+ por vigni plata fotocopiada (A4 / A3)
0,25 € 

La biblioteca fej fora instëssa da che y co apostè n medium.

4. Internet

La tarifa depënn da tan dî che al vëgn adorè internet. Al vëgn ghiré 0,025 € / al menüt, belanfat co che an röia pormez a internet. Por n’ora vëgnel ghiré 1,50 €.

5. Fotocopies, stampes y scans

La Biblioteca provinziala ti mët a desposiziun sides mascinns por copié che stampantes a sü utënć. Prisc por stampes y copies:  

A4 s/w  0,10 € 
A3 s/w  0,20 € 
A4 Color  0,30 € 
A4 Color 0,40 €

Pra l scanner possel unì fat y metù sun na tlé-USB scanscions te chisc formac: jpeg, pdf single page, pdf multipage, tiff single page, tiff multipage.
I cosć per la stampes curespuend ala spëises nunziedes de sëura.

6. Pordüda o danejamënt de operes 

Sce an perd o danejëia les operes o d’atri bëgns dla biblioteca mësson rete deplëgn le cost. Sce le medium vëgn ćiamò venü mëss l’utënt paié le prisc dl liber. Pro i media che po ma plü gnì cumprà sciöche anticuariat mëss l’utënt paié le prisc plü 5,00 € suraprò. Sce ara ne va gnanca da cumprè insciö le medium mëss l’utënt paié le prisc de n liber analogh. Sce al vëgn pordü n medium che alda pro le patrimone spezial dla Biblioteca provinziala y ara ne va nia da le sostituì tres öna dles manires descrites dessura, mëss l’utënt paié i cosć de imprëst internazional, les copies y i cosć por lié le liber.

7. Armà dl gardaroba

La Biblioteca provinziala ti mët a desposiziun debann a sü utënć na tle por s’anuzé di armà dla gardaroba. Sce la tle va manćia vëgnel ghiré 30,00 €.

Le personal dla biblioteca che à sura le sorvisc de imprëst é inćiarié de trà ite les tarifes.