La tessera dla biblioteca ie debant y ve dà la rejon de ve mpresté ora i media dla Biblioteca provinziela.

leserausweis

Ulà y co giapi pa na tessera?
Per damandé na tessera dla biblioteca iel da scrì ora n formuler aposta pra la purtina de nfurmazion. La tessera muessa unì damandeda persunalmënter y la ve vën data ora al mumënt. Abilitedes al mprëst ie la persones che à la residënza tla Talia y che à cumplì 13 ani. Canche n se scrij ite iel da prejenté na cherta d'identità o n pas che vel (la persones che ne à nia la zitadinanza muessa prejenté nce n'autorisazion de permanënza).
La tessera dla Biblioteca Provinziela ie nce da giapé tla biblioteches che tol pert al mprëst interbibliotecher: Persenon, Burnech, Eppan, Laives (Biblioteca Don Bosco), Mals, Maran, Neumarkt (Biblioteca tl Ballhaus y Biblioteca Endidae), Sand in Taufers, Urtijëi, Schlanders, Sterzing y Toblach.

Formuler per la dumanda d'adurvanza dla biblioteca y de internet

Canche la tessera dla biblioteca ie jita perduda
Sce ëis perdù vosta tessera lascëdel per na segura al savëi debota pra la purtina de nfurmazion, acioche la tessera posse unì śareda. A paiamënt giaterëis na tessera de utënza nueva.

Mudamënt de adres
Ve prion de nes fé al savëi nce i mudamënc de vosta adresses de posta y e-mail, acioche giapëise nosta comunicazions.