La deponüda legala é gnüda regolamentada danü cun lege statala n. 106 di 15 d’aurì dl 2004 y so regolamënt d’atuaziun DPR 252/2006.

Cun la regolamentaziun nöia él gnü arjunt de un n vers n avaliamënt dles formes de publicaziun d’al dedaincö. Dl ater vers é inće le fin gnü mudé. Sce al ê n iade le control dancà – da odëi dal titul da denant - diritto di stampa- (dërt de stampa) spo öga incö la deponüda legala dantadöt da sconè le patrimone cultural. Porchël él inće gnü adorè na denominaziun nöia –deposito legale- (deponüda legala).

A chësta moda déssel gnì cherié dui archifs por sconè le patrimone cultural, un a livel nazional, y un a livel regional. Por fà chësc Ves obliëia la lege da dè jö cater ejemplars de vigni publicaziun.

Por la creaziun dl Archif nazional él da menè n ejemplar ala Biblioteca Nazionala de Roma y ala Biblioteca Nazionala de Firenze. Les misciuns é da ciafè chilò.

Por la creaziun dl Archif regional ti él gnü surandè la deponüda legala - cun deliberaziun dla Junta provinziala n. 1503 di 7 de mà dl 2007 y deliberaziun dla Junta provinziala n. 1772 di 6 de messè dl 2009, ala Biblioteca provinziala Dr. Friedrich Teßmann y ala Biblioteca provinziala taliana Claudia Augusta. Por fà a na moda che al sides saurì da dè jö i ejemplars, à les döes biblioteches provinziales metü sö döes misciuns de surandada ćina che ares ne se lascia nia jö deboriada tl zënter bibliotecar: öna por la surandada de dötes les operes stampades y öna por la surandada de media audiovisuai.

Ala misciun de surandada: Regionales Pflichtexemplarrecht - Ablieferungsstelle Gedruckte Medien, Armando-Diaz-Str. 8, 39100 Bozen - él da menè dui ejemplars de chisc media:

1) folieć y revistes ladins y todësc

2) libri, brosciüres, chertes geografiches y topografiches, atlanć, placać, jorantins, depliants, prospeć, stampes dles notes y publicaziuns somiëntes che reverda manifestaziuns publiches de istituziuns y lies, sciöche inće grafiches d’ert y retrać, da publiché (te düć i lingac).

Ala misciun de surandada: Regionales Pflichtexemplarrecht - Ablieferungsstelle Audiovisuelle Medien, Marconistr. 2, 39100 Bozen - él da menè dui ejemplars de chisc media:

1) folieć y revistes talians

2) produziuns musicales y video, grafiches d’ert y video artistics, films (inće digitai), ediziuns te microforma (sön portadus de dać fotochemics sciöche p.ej negatifs), documënć generai sön portadus de dać informatics (p.ej. CD-ROMs, DVDs y.i.i..) (te düć i lingac).

Les döes Biblioteches provinziales se crüzia deboriada dles döes misciuns de surandada y tignarà sö y abinarà adöm aladô de süa inćiaria de racoiüda i media dà jö.

En linia de prinzip é düć i documënć o düć i produć editoriai por le publich sotmetüs ala deponüda legala. Al é anfat sce ai vëgn scincà ia o venüs, sce ai vëgn realisà y venüs te forma analoga o digitala. Dala deponüda legala é stlüć fora indere i estrać, les proes de stampa, i modì, les restampes anfates, i documënć interns o privać y le material de retlam comerzial. Sce i dubitëis ciafëise chilò les leges da lì do y desćiarié.

I ùn metü adöm ćiamò n iade en cört les informaziuns de lege plü importantes y les indicaziuns pratiches.

Informaziuns plü menüdes é da ciafè pro chëstes porsones responsables:

Ester Turbiani, Biblioteca provinziala Dr. Friedrich Teßmann,
Tel. 0471 / 47 18 28, pflichtexemplare@tessmann.it

Monica Marcon, Biblioteca provinziala taliana Claudia Augusta,
Tel. 0471 / 26 44 44, depositolegale@bpi.claudiaugusta.it