La Biblioteca provinziala Dr. Friedrich Teßmann y la ćiasa edituria Studienverlag à le plajëi de Ves invié ala presentaziun dl liber „Kulturelles Erbe und Tourismus“.

Influenzëia pa le turism le mudamënt cultural de na regiun? Müdel pa les formes de vita dles porsones?
L’arpejun culturala, porsura chëra che al vëgn fat na gran discusciun al dedaincö, ne reverda nia ma le recort nostalgich y la tradiziun metüda da na pert. Ara tol ite plü co ater les pratiches bele porvades fora dl vire, les tradiziuns vies, i rituai y les festes – chël ô dì i emblems dl’identité culturala. Ara tol inće ite les tecniches dl artejanat, dl’agricoltöra, dla viticoltöra y dl’urticoltöra, les metodes da medié tradizionales y la richëza de lingac y dialeć.
Le savëi dè inant che reverda la vita da vigni dé tla natöra, le mantignimënt y la adoranza de ressurses locales, döt chësc porta a resultać y capazitês speziai cherià cun na süa competënza estetica y artistica. Ai fej fora la pretenjiun particolara de na regiun.
Chëstes pratiches culturales odüdes sciöche arpejun é dantadöt atratives por le turisms, ares mët la tradiziun te n contest inovatif y pîta mecanisms de soluziun por n svilup regional orientè ai criters de dorada.

L’editur dl liber, prof. Kurt Luger (Université de Salzburg), baia porsura le tema „Was sich ändert, muss auch gleich bleiben – Kulturelles Erbe und touristische Inszenierungen“.
Le moderadù dla discusciun é Georg Mair. Ala discusciun tôlel pert Paul Rösch (diretur dl Touriseums) y Gabriele Crepaz (responsabl dla cultura dla „Südtiroler Marketing Gesellschaft“).

Can: en jöbia, ai 19 de mà dl 2011, dales 8 da sëra
Olâ: Biblioteca provinziala Dr. Friedrich Teßmann, str. Armando-Diaz 8, Balsan