La Biblioteca provinziala „Dr. Friedrich Teßmann“ é gnüda metüda sö cun la lege provinziala n. 5 di 16 de forà dl 1982 y porta l’inom dl iurist y politich de Südtirol Friedrich Teßmann (* ai 15 de forà dl 1884 a Schloss Korb a Eppan; † ai 23 de jügn dl 1958).
Dl 1957 ti à Teßmann scinché süa biblioteca privata, metüda adöm dantadöt da Tirolensia (incër 12.000 volums y passa 1000 operes grafiches) ala „Österreichische Akademie der Wissenschaften“ a condiziun che la racoiüda gniss metüda a desposiziun al publich a Balsan y che ara gniss ampliada tresfora cun publicaziuns nöies corespognëntes.
L’Academia ti à surandè la racoiüda Teßmann al „Südtiroler Kulturinstitut“ che menâ bele na süa picia biblioteca de stüde, a na moda ch’al la aministrass y ćiarass dla racoiüda.
Canche al é gnü metü sö la Biblioteca provinziala dl 1982 ti à le “Südtiroler Kulturinstitut” surandè süa biblioteca de stüde, y l’Academia ti à surandè sciöche imprëst permanënt la racoiüda Teßmann, che ê deventada tres majera.

Incö é la Biblioteca provinziala la maiù biblioteca scientifica generala de Südtirol. Ai utilisadus se presentëia trames les racoiüdes dla biblioteca sciöche unité.



Prioritês por la racoiüda dla Biblioteca provinziala "Dr. Friedrich Teßmann”

La Biblioteca provinziala abina adöm dantadöt materiai scrić por todësch ti ćiamps de savëi desfarënć (ater co leteratöra por i mituns y por i jogn).

Tirolensia
La Biblioteca provinziala abina adöm döt le material che é gnü scrit da porsones de Südtirol, sura Südtirol y che é gnü publiché te Südtirol. Na gran importanza ti vëgn dada inće ales publicaziuns dl raiun dl vedl Tirol.



Dać statistics:

Utilisadus dla biblioteca (ajornè ai 31.12.2011): 35.290 leturs scrić ite (2.192 iscriziuns nöies).
Imprëst cun les biblioteches zentrales (ajornè ai 31.12.2011): 8.641 unitês de media.

Cronologia:

1957	Donaziun dla biblioteca privata Dr. Friedrich Teßmann che vëgn aministrada adöm cun la biblioteca de stüde dl „Südtiroler Kulturinstitut“ (daurida dl 1958)
1982	Istituziun dla “Biblioteca provinziala Dr. Fr. Teßmann“
1985	Trasferimënt tl frabicat nü dla sënta da śëgn tla strada A.-Diaz 8
1989	Sorvisc d’imprëst cun les biblioteches zentrales
1992	Scomenciamënt dla gestiun d’EED (elaboraziun eletronica di dać)
1999	Web-Opac y documentaziun dl patrimone tl catalogh unitar dles biblioteches austriaches www.landesbibliotheken.at
2002	Festa di 20 agn dla Biblioteca provinziala
2003	Documentaziun dl patrimone dla Biblioteca provinziala tl catalogh unitar de Karlsruhe  www.ubka.uni-karlsruhe.de/kvk.html
2007	Archif digital di folieć (DZA) te intranet dla Biblioteca provinziala; cunt d’imprëst (prenotè y arlungé online); festa di 25 agn dla Biblioteca provinziala
2008	Les acuisiziuns nöies é da ciafè sön la homepage; archif digital de folieć (DZA) online; restrotoraziun dl’alzada a tera: renovamënt dl salf de letöra y dl’entrada; iubileum: 50 agn „Teßmann“
2009	Realisaziun dla curt da lì; la biblioteca de valada San Durich tol pert al imprëst cun la Biblioteca Provinziala; "Fit für die Facharbeit“ ("Fit por le laûr dla matura"): curs de competënza informativa por les tlasses dla scora alta; Portal 1809 (http://1809.tessmann.it)
2010	„Hör-Bar“:  pra  la "Bücherwelten", l mond di libri, ie la biblioteca provinziela reprejenteda cun libri audio;  lingia de referac „Zur Wirklichkeit der Sprache“  (n cont dla realtà dla rujeneda) , d'autri referac y „Bücher im Gespräch“  (rujené de libri) tla biblioteca provinziela; Biblio24:  la biblioteca online  dl Südtirol – n  proiet dla Biblioteca provinziela Dr. Friedrich Teßmann y dla Fundazion Cassa dl Sparani.
2011	Svilup y renuvamënt dl mprëst interbibliotecher de Südtirol. La Biblioteca provinziela refurnësc, ora che la 8 Biblioteches de zënter, nce chësta biblioteches: Lana, Laives (Biblioteca Don Bosco), Mals, Neumarkt (Biblioteca Endidae), Sand in Taufers y Toblach.