En cater jöbies sëra d'agost dl 2026 se trasformëia la curt dl palaz Rottenbuch, tla strada Armando Diaz a Balsan, te n chino alaleria idilich.
Canche al mët man da gní scür vëgnel mostré iló ai 6, 13, 20 y 27 d'agost films straordinars te n'atmosfera relassanta. Al vëgn proieté films por mituns y mitans y porsones adultes, por talian y todësch. Paralelamënter ai films prinzipai vëgnel mostré tl salf de letöra dla Biblioteca provinziala vigni iade n film por mituns. L'entrada é debann y an pó se senté jö olache al é lerch. Deache l'interes é gran vëgnel aconsié da ester adora assá söl post.
Les proieziuns scomëncia vigni iade dales 21, mo an pó bele ite dales 20 inant.
I films vëgn ma mostrá sce al é bel tëmp. Sce na sëra de film ess da gní desdita vëgnel lascé alsavëi al ultimo momënt sön la homepage y sön i social media.

Döt le program dl chino ciafëise chiló.
"Chino alaleria" é n proiet metü a jí deboriada dala Biblioteca provinziala Dr. Friedrich Teßmann y dal FILMCLUB.

Proieziun dl film prinzipal
Curt dl Palaz Rottenbuch (Suraintendënza provinziala por i bëgns culturai) strada Armando Diaz 8, Balsan

Proieziun dl film por mituns
(tl medemo tëmp co le film prinzipal)
Salf de letöra dla Biblioteca provinziala Dr. Friedrich Teßmann, strada Armando Diaz 8, Balsan