De merz presentëia la mostra de libri tematica tl salf de letöra na cernüda de libri premiá dl 2025, che é ince stá da odëi tl cheder dla mostra Bücherwelten 2026 tl Waltherhaus.
I pesć de leteratöra á sciöche obietif chël da ti fá conësce a n publich ampl auturies y auturs straordinars y libri particolars. Ai pîta orientamënt tla gran oferta dla produziun leterara y deura trus a operes straordinares dla leteratöra mondiala. Iuries spezialisades independëntes á premié dl 2025 auturs y auturies y sü libri cun pesć desvalis: da operes da n gran valur linguistich a libri che nes ispirëia trasmeton so savëi, cina a libri che s'á da nes fá l'aurela cörta.
Na cerna de chisc libri premiá é sëgn da ciafé tl salf de letöra dla Biblioteca provinziala Dr. Friedrich Teßmann. I libri pó gní imprestá fora diretamënter iló o gní apostá online cina la fin de merz.