Mostra tematica de mei

La Biblioteca provinziala inviëia a na mostra tematica tl salf de letöra, che ti ciara ala moda da deplü punc de odüda. Tres na cerna de operes fora dl patrimone de libri dla biblioteca vëgnel mostré la moda sciöche meso d'espresciun cultural, storich y sozial.
L'ocajiun por mëte a jí la mostra é n proiet de maturité grafich de n scolar y na scolara dla scora profescionala Gutenberg, che se dá jö cun la regresciun dl movimënt feminist. So conzet coliëia ilustraziuns de moda artistiches cun na critica soziala sotida. Ales ilustraziuns vëgnel ajunté n QR-Code che condüj a videos cörc fac aposta, olache al vëgn aprofondí i temesc tratá.
Les operes presentades y la cerna de libri che la Biblioteca provinziala á metü fora te chësc contest röia te n dialogh interessant che deura prospetives nöies sön la moda sciöche espresciun de identité, reflesciun soziala y mudaziun. La mostra cheriëia n coliamënt danter i media classics sciöche i libri y les formes d'espresciun contemporanes. Insciö nascel n dialogh interessant danter le passé y le presënt, danter teoria y pratica artistica. Cun chësc devënta la moda n medium che an pó pié ite, che vá cotan sura les tendënzes fora y che é n spidl di svilups soziai.
I ves inviun da descurí tramesdöes les mostres y da ciafé prospetives nöies sön la moda y süa importanza te nosta sozieté.
I libri pón aposté online o s'ai impresté fora dailó sön le post.