.Do tratatives lunges á le minister di Afars cun l'ester austriach, Karl Gruber, y le presidënt dl Consëi di ministri, Alcide De Gasperi, sotescrit ai 5 de setëmber dl 1946 l'Acordanza de Paris. Le "Tratat Gruber-De-Gasperi" rapresentëia le cheder iuridich por l'autonomia dl Südtirol d'aldedaincö. L'articul 1 dl'Acordanza de Paris ti garantësc ala popolaziun todëscia dla provinzia de Balsan le medemo dërt da adoré so lingaz dla uma coche la popolaziun de lingaz talian. L'articul 2 vëiga danfora competënzes legislatives y aministratives autonomes y l'articul 3 obliëia la Talia danterater da ciaré jö danü les conseguënzes dl'opziun. Do l'Acordanza de Paris êl gnü aprové dl 1948 le pröm Statut d'autonomia che ti surandâ indere la maiú pert dles competënzes autonomes ala Regiun y insciö ne gnô tröpes ghiranzes nia ademplides. Impormó cun le "Pachet dl Südtirol" y le secundo Statut d'autonomia dl 1972 éra jüda da invié ia n mudamënt fondamental.
Curadëssa dla mostra: Christina Hametner

I libri pó gní imprestá fora diretamënter iló o apostá online.