"Ti jí do ales relaziuns intensives danter porsona y tier, y mostré le dolur dla separaziun te na manira demorvëia, chësta é pö öna dles intenziuns leterares plü mates che an pó avëi – avisa öna de Maxi Obexer.“ Kathrin Röggla

N de da doman da d'aisciöda s'un vá Antonia dal lüch da paur. Denant ára fat mené demez dötes sües vaces. Süa neza Agnes che stüdia por deventé filosofa la ciafa te psichiatria - y se recorda: de canche ëra instëssa se descedâ cun i tiers, de canche ara jô söl fostü cun süa ciana ti bosć y tles munts; dl isté cun les vaces sön munt. Antonia indere n'á mai lascé avarëi n "amur" por i tiers, tan defenôra n sistem da paur a chël che ara á inultima messü ti la zede. Deperpo che Agnes vëiga bel plan ite le tormënt de Antonia, ti sporj i tiers l'ultimo salüt.

"Unter Tieren" é n roman filosofich y sensual, al é le liber dl momënt deache al ne mostra nia ma le lian sot danter la porsona y le tier, che pó gní dé sö canchessî, mo ince sciöche n sistem agricol pois tomé adöm, cun lapró les porsones.

Maxi Obexer scrí toc de teater, prosa, essays y jüc auditifs. Ara á podü pié do pesć desvalis, danterater l'Alice-Salomon-Poetik-Preis 2023. Ara á insigné a Washington y Dartmouth, al'Universität der Künste Berlin y tl Deutsches Literaturinstitut Leipzig. So pröm roman "Wenn gefährliche Hunde lachen" é gnü fora dl 2011. Cun n estrat fora de so secundo roman "Europas längster Sommer" (2018) éra gnüda nominada por le Pest Bachmann.

La conversaziun cun l'auturia vëgn menada da Gregor Ohlerich, che fej le letor lëde y é n studius de leteratöra da Desproch. Surapró a süa ativité de letorat insëgnel ince te universités desfarëntes sön temesc sciöche le letorat y les publicaziuns scientifiches.

Na manifestaziun dla Biblioteca provinziala Dr. Friedrich Teßmann y dla SAAV, Südtiroler Autorinnen- und Autorenvereinigung.