Al dess gnì a se le dè l’istituziun bibliotecara plü ampla de Südtirol

Dl 2004 àl metü man, cun n concurs por la proietaziun dl maiù zënter bibliotecar de Südtirol, le proiet sön n zënter bibliotecar nü, che dess colié la Biblioteca provinziala „Dr. Friedrich Teßmann“, la Biblioteca zivica „Cesare Battisti“ y la Biblioteca provinziala taliana „Claudia Augusta“. Al dess gnì metü sö l’istituziun bibliotecara plü ampla de Südtirol
Le frabicat dla biblioteca nü, che dess gnì adorè deboriada da döta la popolaziun di trëi grups linguistics, dess tò ite incër 1.100.000 unitês de media, y an s’aspeta che al vëgnes adorè da 400.000 vijitadus.
Cun chësc zënter ne déssel nia ma gnì metü sö na biblioteca scientifica universala zentrala por Südtirol, mo inće na gran biblioteca moderna por la popolaziun dla cité de Balsan, n zënter dla cultura y dla formaziun, n punt de incuntada te cité.

   Zënter bibliotecar nü por la cité de Balsan y Südtirol