Mpresté ora media tla Biblioteca provinziela Dr. Friedrich Teßmann

Per pudëi se mpresté ora i media iel de bujën de vester scric ite tla Biblioteca provinziela Dr. Friedrich Teßmann. La Biblioteca provinziela ie na biblioteca de magasin, l azes ai media vën fat tres l catalogh. Tl catalogh udëis sce i media ie da garat, ulache i ie plazei y ce seniadura che i à.

Per ve mpresté ora n medium messëis l apusté: fajëde l login tl catalogh. Tlichëde sun l titul che ulëis mpresté ora sun “Prenuté ejempler”. Chirëde pona ora la luegia ulache ulëis jì a ve tò l medium y tlichëde sun “Prenuté”. Giapëis na nfurmazion che l’apusteda ie unida fata cun suzes.

L medium apustà ie da garat per vo do n 15 menuc y per n 10 dis sun la curona di libri da jì a tò dla biblioteca provinziela. L medium ie da abiné sot al prim pustom de vosc cuinuem. Dadedò messëis l mpresté ora tres l njin de autoregistrazion. Per fé chësc adurvé la cherta dla biblioteca, la cherta de Sanità o la cherta d’identità nueva.

L’acuisizions nueves vën metudes ora uni ena n mostra tl foyer. Chëstes possa unì mprestedes ora zënza prenutazion.

Metëde verda: zënza la prejentazion dla cherta dla biblioteca y la prenutazion sun vosc cont dla biblioteca ne iel nia puscibl mpresté ora media.

N daussa se mpresté ora al plu 20 media al iede. L tëmp da pudëi se i tenì ie de 30 dis. N slungiamënt de mo 30 dis ie puscibl dal prim di de mprëst, sce l ne ie deguna prenutazion da pert de d’autri utënc/d’autra utëntes. L tëmp de mprëst mascim che n possa arjonjer cun l slungiamënt ie de 120 dis.

Nia da mpresté ora ne ie:

• operes dl self de letura
• operes che fej pert dl patrimone de valor (plu vedles de 100 ani)
• media audiovisuei (CDs, DVDs y nsci inant) che ie unic publichei dan manco de 18 mënsc
• publicazions cun plates singules destachedes o cun njontes
• zaites
• revistes
• grafiches
• microformes (microfilms/microfiches). Cun l aiut de njins de letura y cupieda speziei (readerprinter) possa chisc media unì liec y cupiei a paiamënt tl local de letura di microfilms dl Archif provinziel dl Südtirol (sun prenutazion persunela).