La Biblioteca Provinziala Dr. Friedrich Teßmann ves inviëia deboriada cun l’Istitut d’inrescida Brenner-Archiv dl’Université da Desproch y le Südtiroler Künstlerbund ala presentaziun dla pröma biografia completa sön Carl Dallago de Anton Unterkircher.
Porsona demorvëia, rebel, anarchist, apostul dla natöra: chëstes é ma n valgönes denominaziuns cun chëres ch’al é gnü ćiarè da descrì la personalité de Carl Dallago (1869–1949). Le boteghier dal möt da Balsan y pere de familia à dl 1900 metü na fin al monn d’aparënza borghesc y à vit da dailò inant schiöche scritur lëde y filosof dla natöra. Dal grup “Jung-Tiroler”, auturs todësch-nazionai y antitlericai gnôl tut sö cun entusiasm, mo l’agitaziun politica n’é mai stada na cossa por ël. Dallago ćiarâ da fà na vita scëmpla y originara por jì cuntra la rovina dl monn. Inće sce al se metô sön na pert por sües polemiches, dantadöt por süa critica fićiosa ala dlijia, mantignîl impò contać d’importanza, danter ater cun Albin Egger-Lienz, Karl Kraus, Georg Trakl, Hermann Broch, Martin Buber y Theodor Haecker. La revista „Der Brenner“ fondada aposta da Ludwig von Ficker dl 1910 ti à pité por n iade na patria spirituala; porimpò gnôl tres isolé deplü da critiches y ofenüdes ćina che al gnô sforzè da emigré dl 1926 tl Tirol dl Nord.
La biografia mët löm sön la vita y les operes de Dallago tl contest tl tëmp olache al à vit te na prospetiva nöia.
Presentaziun dl liber:
Le liber gnarà presentè da Anton Unterkircher, archivar dles sciënzes dla literatöra dl Brenner-Archiv dl’Université da Desproch. Al lî Sebastian Baur, atur, tradutur y autur.
Parores d’introduziun de Ferruccio Delle Cave, studius de leteratöra y vizepresidënt dl Südtiroler Künstlerbund.
Can: en jöbia, ai 17 d’otober 2013, dales 20.00
Olâ: Biblioteca Provinziala Dr. Friedrich Teßmann, str. A.-Diaz 8, Balsan