Biblioteca storica digitala de leteratöra regionala (Tirolensia)
N proiet tl cheder dl "PNRR, Missione 1 Digitalizzazione, innovazione, competitività, cultura e turismo - Misura 1. Patrimonio culturale per la prossima generazione - Investimento 1.1 Strategie e piattaforme digitali per il patrimonio culturale, Sub Investimento 1.1/5 Digitalizzazione"
La Biblioteca provinziala Dr. Friedrich Teßmann á l'inciaria, preodüda dala lege, da cöie adöm, ordiné aladô de sistems de cataloghisaziun razionai y da ti mëte a desposiziun ales porsones interessades "scric y operes de auturs y auturies dl Südtirol, bibliografies y publicaziuns en general, che se referësc al Südtirol y é gnüdes publicades defora dala provinzia" (l.p. n. 5 dl 1982, art. 1). A chisc scric ti dijon tirolensia.
Tëmp dl proiet: 2023-2025
Partner dl proiet PNRR: la Biblioteca provinziala Dr. Friedrich Teßmann, la Biblioteca provinziala taliana Claudia Augusta, l'Archif dla Provinzia y le Museum Ladin
Mesi dl proiet PNRR: 762.369,39 euro, de chisc 400.838,90 euro por le proiet Biblioteca de tirolensia digitala.
La Biblioteca provinziala Dr. Friedrich Teßmann á l'inciaria, preodüda dala lege, da cöie adöm, ordiné aladô de sistems de cataloghisaziun razionai y da ti mëte a desposiziun ales porsones interessades "scric y operes de auturs y auturies dl Südtirol, bibliografies y publicaziuns en general, che se referësc al Südtirol y é gnüdes publicades defora dala provinzia" (l.p. n. 5 dl 1982, art. 1). A chisc scric ti dijon tirolensia.
Da passa 15 agn incá se dá la Biblioteca provinziala da fá por ti dé na basa nöia a süa inciaria da cöie adöm, cataloghisé y mëte a desposiziun operes y scric tres la digitalisaziun de leteratöra regionala storica y la realisaziun y l'ampliamënt dl portal TESSMANN DIGITAL. Insciö pón atualmënter consulté ca. 3,3 miliuns de plates online y chirí te döt le test.
Dal 1998 al 2020 él gnü cataloghisé y arjigné ca n gran numer de biblioteches publiches y biblioteches de convënc dl Südtirol tl cheder dl proiet de cataloghisaziun dles biblioteches storiches "Erschließung Historischer Bibliotheken (EHB)". Indöt él gnü a se le dé n catalogh cun passa 850.000 operes dal 15ejim al 20ejim secul. Da d'altonn dl 2021 ti él gnü surandé ala Biblioteca provinziala la responsabilité da se cruzié inant dl catalogh y dl patrimone di libri storics. Por chësc fin él gnü istituí al 1. de jená dl 2022 n zënter de sorvisc che prevëiga danterater ince l'inciaria da digitalisé i tirolensia.
La Biblioteca provinziala y les biblioteches di convënc á porchël a desposiziun, por ci che reverda le numer, le maiú patrimone de operes storiches dl Tirol..
| Ann de publicaziun | Numer de operes |
| 1500-1599 | 149 |
| 1600-1699 | 557 |
| 1700-1799 | 2283 |
| 1800-1849 | 5114 |
| Soma 1500-1849 | 5103 |
Tëmp dl proiet: 2023-2025
Partner dl proiet PNRR: la Biblioteca provinziala Dr. Friedrich Teßmann, la Biblioteca provinziala taliana Claudia Augusta, l'Archif dla Provinzia y le Museum Ladin
Mesi dl proiet PNRR: 762.369,39 euro, de chisc 400.838,90 euro por le proiet Biblioteca de tirolensia digitala.
