Mprëst interbibliotecher tl Südtirol

Ëis’a de bujën de n liber de sagistica sun na tematica particulera? Ulessais’a ve mpresté n DVD o n liber auditif tl lingaz uriginel? Ve nteressëis’a de n liber nuef de beletristica ma te vosta bibliotech dan man ne giapëis nia cie che chirëis?

L mprëst interbibliotecher dl Südtirol ie la soluzion! Sce ulëis ve vëniel mandà debant i libri, DVD y i libri auditifs dal patrimone dla biblioteca provinziela tudëscia y ladina Dr. Friedrich Teßmann y dla biblioteca provinziela taliana Claudia Augusta coche nce dla Biblioteca zivica de Bulsan Cesare Battisti te una dla 16 biblioteches tlo dessot:

Persenon, Burnech, Eppan, Lana, Laives (Biblioteca Don Bosco), Damal, Maran, Neumarkt (Biblioteca tl Ballhaus y Biblioteca Endidae), Salurn, Sand in Taufers, Urtijëi, Solaneres, La Ila, Sterzing y Toblach.

Iló pudëis jì a ve tò i media apustei y i purté inò de reviers. L mprëst interbibliotecher vën regulamentà dal urdinamënt dl mprëst interbibliotecher dl Südtirol.

Y nsci iel da fé:

1. Chirëde ti catalogs-online dla biblioteches provinzieles y dla biblioteca zivica de Bulsan l medium che ve nteressea:
   a. https://tessmann.myargo.bz
   b. https://claudiaugusta.provinz.bz.it/
   c. https://bcb.gemeinde.bozen.it
2. Apustëde l medium tres una dla 16 biblioteches
3. Pudëis jì a ve tò i media apustei te vosta biblioteca y pona inò i dé jù iló
4. I media vën menei adalerch n iede al’ena

 

 

Servisc de njonta dla
Biblioteca provinziela Dr. Friedrich Teßmann

La persones scrites ite tla Biblioteca provinziela possa nstësses fé si apusteda online tres l catalogh y crì ora la luegia da jì a se tò i media. Iló possi nce unì purtei de reviers. I dis che n po jì a tò i media tla biblioteches y i tëmps d’apusteda per i giapé cun la proscima cunsënia ie chisc:

Biblioteca/Luech da jì a tò	Dì che l vën dat ora i media tla biblioteca	Tiermui d’apusteda per la proscima cunsënia
Persenon	vënerdi	merdi
Burnech	merdi	juebia dl’ena dant
Eppan	sada	merdi
Lana	sada	merdi
Laives	sada	merdi
Mals	mierculdi	juebia dl’ena dant
Maran (Biblioteca zivica)	mierculdi	juebia dl’ena dant
Neumarkt (Biblioteca am Ballhaus)	sada	merdi
Neumarkt (Biblioteca Endidae)	sada	merdi
Salurn	merdi	merdi dl’ena dant
Turesc	merdi	juebia dl’ena dant
Urtijëi	vënerdi	merdi
Schlanders	mierculdi	juebia dl’ena dant
La Ila (Biblioteca Sas dla Crusc)	merdi	juebia dl’ena dant
Sterzing	vënerdi	merdi
Toblach	merdi	juebia dl’ena dant

Sce ulëis dé de reviers vosc libri tres una dla biblioteches nunziedes dessëura messëis ve seguré che l tëmp de mprëst ne sibe nia tumà.

 

BIBLIOTECA MALS
Porvia dl orar da d'isté dla biblioteca da Mals toma fora le sorvisc de spediziun dai 15 ai 20 de jügn dl 2026 a Mals.

BIBLIOTECA ZENTRALA EPPAN
Porvia dl orar da d'isté dla biblioteca zentrala da Eppan toma fora le sorvisc de spediziun dai 22 de jügn ai 4 de messé dl 2026 a Eppan.