© Landesbibliothek Teßmann
Sprecher: Ludwig Paulmichl (Folio Verlag), Roberta Dapunt (Autorin). Das Gespräch mit Roberta Dapunt führt Jörg Zemmler (Autor).
Versli de paroles y chiet che ti va a fonz ai sucrëc dla vita da uni di y dla malatia.
La poejies dl liber de liriches roda ntëur ala tematica dla demënza. Chësta tramuda persones te d’autra persones y la cumplichea la puscibiltà de n barat o fej che n barat sibe nchinamei mpuscibl. Nsci devënta l dialogh cun Uma, l’oma, n apel a n auter tu multiplicà da chël che l ne vën deguna resposta. L ie n troi de duel, na forma de mistica a chëla che l ne ti mancia nia i miraculi; l’ancunteda, la cura devënta n troi de viers dla cunescënza. Na grupa de tradutëures dl Versatorium à repurtà la poejies a na maniera cungeniela.
Roberta Dapunt ie nasciuda dl 1970 a Badia ulache la viv. La scrij tla rujenedes taliana y ladina. Si publicazions ie unides ora te revistes y antologies. La à venciù l pest leterer mpurtant Premio Letterario Internazionale Viareggio Repaci 2018 per la poejia. Per talian iel danter l auter unì publicà: La terra più del paradiso (2008), Le beatitudini della malattia (2013), Sincope (2018). Per tudësch pra Folio: Nauz (2012/2019) y Dies mehr als paradies (2016). Die krankheit wunder I le beatitudini della malattia ie de dezëmber dl 2020 sun la lista di bestseller dl ORF.
VË, 11.12.2020, DALA 11:00 ONLINE!
L’ancunteda cun l’autora ie unida registreda tl FritzCube, tl Videolab dla Biblioteca provinziela y la vën publicheda ai 11.12.20 dala 11:00 sun la plates web dla Biblioteca provinziela y dl editëur Folio www.folioverlag.com.
Na scumenciadiva dla Biblioteca provinziela “Dr. Friedrich Teßmann” y dl editëur Folio.