Bele tl’età de puec mënsc, canche l ie praticamënter mo n pop, sberca Renato Cesarini n l ann 1907 a Buenos Aires. Coche nce i plu de mile autri emigranc y emigrantes dala Talia schicei ite tl vënter de n bastimënt àl do sé cater enes de viac. Te n secul plën de contradizions traverserà Cesarini plu iedesc l Atlantich, inant y de reviers.Ti ciauzei for inò nueves de si pere, che ie n calighé napuletan, se scarpetëiel su da n pitl lere da streda y acrobat de zircus dla Boca a na star dl juech al palé de doi scuadres naziuneles (ARG/ITA). L po se permëter de bever Champagne, ie da cësa tla szenes de nuet y mëina na Tangueria a Torino. Si cumpanìa ie agënc, campions dl mond de box, n’amanta de Mussolini, Albert Einstein y n’afa che à inuem Scimmi.

Na vita muvimenteda cunteda a na maniera brilanta y lesiera sciche n tango italoargentin.

Kurt Lanthaler, nasciù a Bulsan dl 1960, viv dal 1987 a Berlin coche scritëur liede. L scrij cunties y romans, lirica y audiojuesc, librec y pec de teater. Ideadëur dla lingia de stories crimineles de suzes Tschonnie-Tschenett. Traduzions dal talian.

La cunversazion cun l autor vën meneda da Martin Hanni, regist de films, autor de juesc auditifs y publizist culturel per l radio, la televijion, media stampei y la plataforma internet salto.bz.

Na scumenciadiva metuda a jì deberieda dala Biblioteca provinziela Dr. Friedrich Teßmann y dala Edizion Folio.