Tla politica ne vá nia zënza lingaz: al é dër important y cinamai determinant canche al vëgn fat discusciuns ti partis, ti governs o te parlamënc, tles scombatüdes litales y te debates politiches ti media o tl publich. Se dé jö cun strategies linguistiches adorades tla politica y conscidré te na manira critica discursc politics che vëgn fac ti media, n'é porchël nia ma interessant por la linguistica mo ince por les litadësses y i litadus che ó dé jö süa usc te na manira cosciënta.

Thomas Niehr spligará te so referat cares che é les strategies linguistiches che an pó osservé tla politica de düc i partis y ci che é plütosc carateristich de n lingaz populistich de man dërta. Dedô baiará Vincenzo Gannuscio dles paraleles y desfarënzies danter l'adoranza dl lingaz politich talian y chël dl raiun linguistich todësch.

Na manifestaziun dla Gesellschaft für deutsche Sprache/seziun de Balsan, dl Ofize linguistich tl Südtiroler Kulturinstitut, dla Biblioteca provinziala Dr. F. Teßmann, dla Volkshochschule Südtirol y dl Ordin di jornalisć dl Trentin-Südtirol.