En forma por la tesina
La Biblioteca provinziala Dr. Friedrich Teßmann mët a jì deboriada cun les scores cursc por scolares y scolars che frecuentëia na scora alta y à da scrì na tesina.
Deboriada cun nosc personal spezialisé sön l'informaziun se chir les scolares y i scolars te nosta biblioteca la leteratöra che va debojëgn por süa tesina. A süa desposiziun él libri, folieć, revistes, catalogs dla biblioteca eletronics sciöche inće banches dać. Al ti vëgn dè la poscibilité da imparè a conësce les poscibilitês d'inrescida tla Biblioteca provinziala y da d'adorè strategies d'archirida desvalies. Cun l'aiüt d'ejëmpli por s'eserzité chiris fora aposta, po les scolares y i scolars mëte en pratica ći che é gnü imparè.
Les scolares y i scolars laôra te de pici grups pro so post de laûr cun n computer y fej l'archirida por so cunt sön l'argomënt chirì fora.
La Biblioteca provinziala pîta modui che po gnì combinà lediamënter y che contëgn, aladô dles ghiranzes dla scora, chisc punć zentrai:
- poscibilitês y strategies d'archirida;
- valutaziun dles fontanes d'informaziun (fontanes stampades y online);
- inrescida por la tesina deboriada cun nostes bibliotecares.
Vigni modul döra 90 menüć.
La condiziun por podëi frecuentè chisc modui é avëi tut pert tratan i pröms trëi agn de scora alta a na vijita generala tres nosta biblioteca.
Terminns y iscriziun
I cursc po gnì tignis sides danmisdé co domisdé.
Le personal insegnant fej fora i terminns y tol sö les iscriziuns.
Porsona de contat
Heidi Erschbamer
tel. 0471 471814
heidi.erschbamer@tessmann.it