Lueges de lëur cun computer y internet
Tl raion de ntreda iel da garat per nosc utënc computeri pra chëi che n po fé nrescides tl catalogh dla biblioteca, cialé "Teßmann Digital", crì tl Internet, scrì nstësc documënc y lauré lessù.
Pra l bancon de nfurmazion possen se mpresté ora n laptop per se nuzé de CD-ROMs che ne possa nia unì tëutes a cësa.
I cosć per la stampes vën trac ju tres la chertes de copia che ie da giapé pra l banch de mprëst.
Tarifa:
A4
|
€ 0,10 per plata stampeda |
A3 |
€ 0,20 per plata stampeda
|
A4 Color |
€ 0,30 per plata stampeda |
A3 Color |
€ 0,40 per plata stampeda |
Adurvanza de internet
Utënc che à almanco 16 ani possa se nuzé de internet tla Biblioteca provinziela do che i à scrit ora l formuler de registrazion. Chi che ne à mo nia cumplì 16 ani à de bujën de na detlarazion de cunsëns di genitores. Per la registrazion iel de bujën de na cherta d'identità o de n pass. Zitadins che ne ie nia dla UE muessa nce mustré su n'autorisazion de permanënza. I dac de chi che adrova internet muessa unì tëuc su aldò dl decret ministeriel di 16 de agost 2005 (Regulamentazion antiterorism) y salvei te n register aposta. I azesc di utënc de internet vën protocolei y registrei (cëla nce
Detlarazion privacy y
Urdinamënt di utënc dla Biblioteca provinziela n cont dla lueges de lëur cun computer.)
Azes a internet cun la tessera dla biblioteca (per utënc scric ite)
L azes a internet ie puscibl per duc i utënc scric ite. Pudëis jì ite adurvan l numer de vosta tessera dla biblioteca Teßmann y la password de vosc cont de mprëst dla Teßmann.