Seniadures

"Seniadures" ie i numeri di libri che identifichea tlermënter uniun de nosc libri. I libri vën cuncei su te magasin aldò de chësc numer prugressif y spartiì su aldò di formac.

Ejëmpli de seniadures

II 123.566
L numer roman al scumenciamënt ndichea l format dl liber.
III A-7.216
L A dancà mostra che l liber ie pert dl patrimone dla "Österreichische Akademie der Wissenschaften".
II Z 1.100
L pustom Z merca nosta zaites o revistes

Prëibel metëde verda pra vosta apustedes de dé sëura for duta la pertes dla seniadura y de no desmincë l pont dl mile!


Lueges spezieles

Sala de letura
I libri tla sala de letura ie iló per na cunsultazion asvelta y ne daussa nia unì purtei ora dla biblioteca. Ma l ie puscibl fé fotocopies.
Brosciüra Salf de letöra Biblioteca Provinziala
Magasin destacà
Na pert dl patrimone de zaites y l patrimonedi libri vedli vën tenì su tl magasin dedora y ie a despusizion sun dumanda pra la purtina de mprëst doi iedesc al'ena.
Sce la dumandes vën dates ju nchin n lunesc dala set da sëira, ie la zaites damandedes a despusizion da merdi do la 14.00 inant; pra la dumandes che vën ite nchin n juebia dala set da sëira ie la zaites da giapé da vënerdi do la 14.00 inant.


Microformes

Microformes ie suporc de dac che pieta nfurmazions, nia te na forma stampeda, ma sun na pelicula (microfilm) o sun microfiches.
Cun l aiut de njins da liejer y da cupië speziei (readerprinter) possen ti cialé a chisc media tla sala da liejer di microfilms dl Archif provinziel (sun prenutazion). A paiamënt possi nce unì cupiei.


Acuisizions nueves

Nosta acuisizions de libri nueves vën metudes ora uni ena tl raion de ntrada.
De regula resta chisc libri n'ena ala longia iló dan che i ruva te magasin. Publicazions nueves de y sun Südtirol ie prejentedes a pert te nosta rubrica Tirolensia


Cianton dla revistes

Sun la curones d'espusizion a purtela per la revistes giatëis l'edizions atueles de na pert de nosta revistes spezialisedes. Per si gran atualità ne vën chësta revistes nia mprestedes ora. Ma l ie puscibl fé fotocopies..
Prëibel tenide cont che pudon mé cuncé ora na pitla pert de nosta revistes y zaites tla sala de letura. Edizions plu vedles possa unì apustedes cun la ndicazion dla seniadura, dl ann de publicazion y dl numer dla revista.



Pusciblteies de fé fotocopies

Pra la doi mascins da stampé a blanch y fosch tl raion de ntreda pudëis cupië zënza scioldi cuntanc y cun na cherta valor per la copies. Pudëis cumpré chertes defrëntes aldò dl bujën:

10-ponc
1,00 € 
20-ponc
2,00 € 
50-ponc
5,00 € 
100-ponc
10,00 €

 A4 s/w
0,10 €  
A3 s/w 0,20 €
A4 Color 0,30 €
A3 Color 0,40 €

Scanner:
Pra l scanner possel unì fat y metù sun na tlé-USB scanscions te chisc formac: jpeg, pdf single page, pdf multipage, tiff single page, tiff multipage.
I cosć per la stampes curespuend ala spëises nunziedes de sëura.