Por s’anuzé dla Biblioteca provinziala ne vëgnel ghiré degönes spëises, ater co ti caji odüs danfora te chësc regolamënt dles tarifes. Al utënt ti vëgnel dantadöt metü a desposiziun debann i sorvisc de informaziun y de consulënza, sciöche inće i mesi d’informaziun dla Biblioteca provinziala, dantadöt i catalogs, les bibliografies, les operes de consultaziun, les banches dać y i sorvisc online cun i injins che alda laprò. La Biblioteca provinziala dëida inće l’utënt chirì informaziuns y fà archirides bibliografiches tan inant che ara va.
Por i cosć lià ala restituziun tardia di media, por les fotocopies y les stampes sciöche inće por i imprësć internazionai vëgnel ghiré chëstes tarifes dai utënć dla Biblioteca provinziala:
1. Tarifes de amoniziun (tarifes d’omisciun)
Tl caje de retüda tardia vëgnel ghiré por vigni medium chëstes tarifes d’amoniziun:
1. amoniziun (1 n dé do le terminn de imprëst)
|
2,00 € por vigni medium
|
2. amoniziun (14 dis do le terminn de imprëst)
|
4,00 € por vigni medium
|
3. amoniziun (28 dis do le terminn de imprëst)
|
6,00 € por vigni medium
|
| 4. amoniziun (42 dis do le terminn de imprëst) |
8,00 € por vigni medium |
Vigni amoniziun suraprò vëgn fata vigni 14 dis y la tarifa d’amoniziun vëgn alzada de 2,00 € por vigni medium.
2. Tessera dla biblioteca
La pröma tessera dla biblioteca vëgn fata debann y ara ti conzed al utënt da imprestè fora media pro la Biblioteca provinziala. Sce l’utënt se perd la tessera ti nen vëgnel fat na nöia por 3,00 €. La pordüda dla tessera dla biblioteca mëss atira ti gnì lasciada alsavëi ala biblioteca a na moda che ara pois gnì blocada por le imprëst.
3. Imprëst internazional y document delivery
Por vigni medium fornì tres imprëst internazional mëss l’utënt paié chëstes tarifes:
tarifa pausciala por vigni liber
|
4,00 € |
tarifa de basa por vigni articul
|
1,00 € |
+ por vigni plata fotocopiada (A4 / A3)
|
0,25 € |
La biblioteca fej fora instëssa da che y co apostè n medium.
4. Fotocopies, stampes y scans
La Biblioteca provinziela ti mët a despusizion a si utënc sibe mascins per cupië sibe stampantes. Priejes per stampes y copies:
| A4 s/w |
0,10 € |
| A3 s/w |
0,20 € |
| A4 Color |
0,30 € |
| A4 Color |
0,40 € |
Pra i scanner tl foyer y tl self de letura possel unì fat y metù sun na tlé-USB scanscions debant te chisc formac: jpeg, pdf singlepage, pdf multipage, tiff singlepage, tiff multipage.
I cosć per la stampes curespuend ala spëises nunziedes de sëura y vën paiei tres la chertes de copia.
5. Pordüda o danejamënt de operes
Sce an perd o danejëia les operes o d’atri bëgns dla biblioteca mësson rete deplëgn le cost. Sce le medium vëgn ćiamò venü mëss l’utënt paié le prisc dl liber. Pro i media che po ma plü gnì cumprà sciöche anticuariat mëss l’utënt paié le prisc plü 5,00 € suraprò. Sce ara ne va gnanca da cumprè insciö le medium mëss l’utënt paié le prisc de n liber analogh. Sce al vëgn pordü n medium che alda pro le patrimone spezial dla Biblioteca provinziala y ara ne va nia da le sostituì tres öna dles manires descrites dessura, mëss l’utënt paié i cosć de imprëst internazional, les copies y i cosć por lié le liber.
6. Armà dl gardaroba
La Biblioteca provinziala ti mët a desposiziun debann a sü utënć na tle por s’anuzé di armà dla gardaroba. Sce la tle va manćia vëgnel ghiré 30,00 €.
Le personal dla biblioteca che à sura le sorvisc de imprëst é inćiarié de trà ite les tarifes.