La Biblioteca provinziala Dr. Friedrich Teßmann organisëia ai 22 y ai 23 de setëmber dl 2011 en colaboraziun cun la Academia dles Sciënzes Austriaca na conferënza sön le tema „Auf zu den Urnen! Tirol auf dem Weg zum allgemeinen gleichen Wahlrecht. Politische und wirtschaftliche Rahmenbedingungen zur Zeit der ‚großen Depression’“ (Düć a lité! Tirol devers le dërt de lité universal. Contest politich y economich ti agn dla dran depresciun).
Cun la „crisa dla börsa“ dl 1873 metô man por la monarchia asburgica n’epoca de gragn mudamënć: le liberalisms ê gnü remplazè da n sistem federalistich conservatif. L’ampliamënt dl dërt lital ê stè na resposta ala nasciüda di partis de protesta nüs di sozialdemocrać, di cristiansoziai, di partis popolars di paurs y nazionai. Al prozès de reforma economich y politich ti corespognô la mudaziun culturala dla Fin de Siècle devers i tëmps moderns a „Viena incër le 1900“.
La domanda, sce le scomenciamënt politich, sozioeconomich y cultural ess portè a n ressanamënt dl stat manacè te sües fondamëntes, romagnô daverta, deache cun la crisa dla anesciun dl 1908 ê le „problem dl impêr y dl stat asburgich“ deventè l’oget dla politica di podëis europeica.
Ći che sozedô sön la gran paladina dla politica dl impêr, â süa faziun inće sön les provinzies. Sciöche chësc ćiarâ fora tl Land Tirol gnarà tratè tl cheder dla conferënza.
Conferënza: „Auf zu den Urnen! Tirol auf dem Weg zum allgemeinen gleichen Wahlrecht. Politische und wirtschaftliche Rahmenbedingungen zur Zeit der ‚großen Depression’“
Can: en jöbia, ai 22 de setëmber dl 2011: daurida dales 19.30, conferënza dales 8 da sëra; en vëndres, ai 23 de setëmber dl 2011: referać dales 14.30 – 19.00
Olâ: Biblioteca provinziala Dr. Friedrich Teßmann, str. Armando-Diaz 8, Balsan