La Biblioteca provinziala Dr. Friedrich Teßmann inviëia deboriada cun la „Gesellschaft für deutsche Sprache“ / Seziun de Balsan (la sozieté por le lingaz todësch) y l’ofize linguistich dl Südtiroler Kulturinstitut ai 10 d’otober dl 2011 a n referat de Martin Reisigl. Le titul dl referat é: „Dem Volk aufs Maul geschaut. Die Sprache des Populismus.“
Tla politica se referëscion ion ala „usc dl popul“. La parora populism, dal latin populus (le popul), é sides negativa che positiva. N valgügn é dër braui che an ti dij populisć, ajache ai dij che ai é i susc che rapresentëia la minunga dla „jënt scëmpla“. D’atri ti tira dant al populismus n carater manipulatif, ai vëiga te ël na politica dles respostes scëmples a de ries domandes. Aladô de ći prinzips linguistics funzionëia pa le populismus? Co argomentëia pa i populisć? Se desfarenziëia pa le populismus de man ciampa da chël de man dërta? Él ćiamò al dedaincö n populismus dl zënter? Ći é pa la retorica populistica? Martin Reisigl mostra tres ejëmpli concreć ći che l’adoranza populistica é.
Referënt: Prof. Dr. Martin Reisigl, Institut de Germanistica, Université de Bern
Can: en lönesc, ai 10 d’ober, dales 20.00
Olâ: Biblioteca provinziala Dr. Friedrich Teßmann, str. A.-Diaz 8, Balsan