Dan da 650 agn él gnü surandè la contea dl Tirol ai Habsburg. Por chësta ocajiun inviëia la Biblioteca provinziala Dr. Friedrich Teßmann adöm cun l’Archif provinzial dl Südtirol, le Tiroler Geschichtsverein/Seziun da Balsan y l’Academia dles sciënzes austriaca a na sëra de referać, ai 25 de setëmber dl 2013.
Gustav Pfeifer referësc sön le tema „1363 und der Tiroler Landesadel. Versuch eines Perspektivenwechsels“. Alfons Huber à influenzè cun süa opera dl 1864 „Geschichte der Vereinigung Tirols mit Oesterreich“ nosta idea sön le rode dla nobilté dl Tirol incër le 1363 sciöche aversar dl sovrann fissé sön sü interesc. Mo pordërt al dominé tl raport danter prinz y nobilté momënć de colaboraziun y consëns.
Josef Riedmann baia de „Die Originalurkunden der Tiroler Landesfürstin Margarete für die österreichischen Herzoge vom 26. Jänner 1363“. Dla desposiziun dla grofa dl Tirol, cun chëra che al vëgn metü i düches d’Austria sciöche arpadus, ajuntan insciö la contea dl Tirol al complès de raiuns di Habsburg, él gnü arjigné ca trëi verjiuns originales. Por ći che reverda le contignü él ma desfarënzies minimales ti trëi documënć. I documënć instësc é indere dër desvalis y conzed da dì tröp sön sciöche ai é gnüs arjignà ca.
Referënć:
Gustav Pfeifer, Archif provinzial dl Südtirol: „1363 und der Tiroler Landesadel. Versuch eines Perspektivenwechsels“.
Josef Riedmann, professur emerité de Storia dl’eté mesana y analisa dles fontanes storiches al’Université da Desproch; presidënt dla Comisciun por la racoiüda Dr.-Friedrich-Teßmann pro l’Academia dles sciënzes austriaca: „Die Originalurkunden der Tiroler Landesfürstin Margarete für die österreichischen Herzoge vom 26. Jänner 1363. Beobachtungen zu ihrer Diplomatik und zu ihrer Geschichte“.
Can: en mercui, ai 25 de setëmber dl 2013, dales 20.00
Olâ: Biblioteca provinziala Dr. Friedrich Teßmann, str. A.-Diaz 8, Balsan