Tl cheder dla linia de referać „Texturen“ baia Stephan Füssel dl’Université Johannes Gutenberg de Mainz dla poscibilité y di risć di e-books por le lì y la leteratöra.
Le 75 % dla leteratöra scientifica y le 20 % (USA) resp. le 4 % (Europa) dla leteratöra plajora vëgn bele pitada te n format eletronich, i dać va sö aslöm. La stlüta de botëghes di libri, enhanced e-books, social reading é ma n valgönes dles parores tle de chësc prozès de mudaziun. Le punt zentral dl’inrescida convergënza di media dl’Université Johannes Gutenberg de Mainz analisëia da cater agn incà d. a. les funzionalitês neurologiches dl lì, les conseguënzes psichiches dl consum d’internet, les conseguënzes media-pedagociches por la scora y la scora alta, mo inće les poscibilitês y i risć por la leteratöra instëssa.
Referënt:
Univ.-Prof. Dr. Stephan Füssel, diretur dl „Instituts für Buchwissenschaft“ y rapresentant dl punt zentral d’inrescida „Medienkonvergenz“ dl’Université Johannes Gutenberg de Mainz: „Gutenberg goes electronic: von den Chancen und Risiken der E-Books für das Lesen und die Literatur.“
Can: en jöbia, ai 3 d’otober dl 2013, dales 8 da sëra
Olâ: tla Biblioteca Provinziala Dr. Friedrich Teßmann, A.-Diaz-Str. 8, Balsan