Cie ie pa suzedù tl 68 tl Südtirol? L se ova iust dut mpue chità ju n cont dla cuestion sudtiroleja di prim ani esplosifs do l 1960, l’economia scumenciova a se svilupé pervia dl setor turistich flurient y de na sozietà che ova scuviert l cunsum.
L azionism de n melsté junil fova te chësc cuntest drët limità – y chësc mé 50 chilometri dalonc dala università de Trënt, n pont de cristalisazion dl muvimënt di studënc talian. Iló: Ocupazion y revoluzion. Tlo: na scrita sëura la streda Goethe a Bulsan cun la frasa “Enteignet die Ebner-Presse“ (despuscionëde la stampa di Ebner), l’ocupazion de n valguna scoles, contradesmustrazions n ucajion di 4 de nuvëmber (l di dla forzes armedes). Y: na pitla grupa de jëuni nteletuei ntëur la zaita “Die Brücke – Il ponte”.
Ne fova pa l 1968 nia auter che n pitl mot sun la sëuraspersa soziela (“ein leichtes Kräuseln auf der gesellschaftlichen Oberfläche”) o mpo mo n mpuls per mudamënc soziei y politics mpurtanc tl Südtirol? Sun chësta y truepa d’autra cuestions rejona Martin Hanni cun Birgit Eschgfäller, Hans Heiss, Luisa Gnecchi, Gerhard Mumelter, Josef Perkmann y Sandro Schmid.
Cun: Martin Hanni, Birgit Eschgfäller, Hans Heiss, Luisa Gnecchi, Gerhard Mumelter, Josef Perkmann y Sandro Schmid.
Na manifestazion metuda a jì deberieda dala biblioteca provinziela Dr. Friedrich Teßmann, “Kulturelemente” y “Geschichte und Region/Storia e regione”.
Nfurmazion ilustrativa: © Archivio Eleonora Gelmo, Antidemonstrazion a Bulsan ai 4 de nuvëmber 1968.