Les nëts lominades con stëres y i dis cialć: ensciö conesciunse l’agost – mo en iann è döt en püch atramonter: degün kino alaleria ala biblioteca Teßmann, degüna storia d’amur dartan en festival de musiga, degüna fësta dla cité con treć corusc…
Mo nos an preparé cösc por os:
Nos ves scincun en liber de na seleziun de libri premiés, ensciö podeise vire ores de morveja, aldì musiga de fëstes stravagantes, sontí pel de iarina y ciamó deplü. Danter chisc libri ciafëise operes importantes dal lingaz artistich, libri por emparé coses nees y de valur, libri co è bogn a divertì i leturs te na manira grandiosa. Mo impormó tal despochené fora podeise odei ci liber che le destin se scinca.
Cösc liber sarà osc “Blind-Date” por l’isté!
Düć i leturs co à n atest con valüda dla biblioteca po gnì a concuisté en liber-sorpresa con döta sigürté à la portina dl imprest dla biblioteca provinzala Dr. Friedrich Teßmann dal 10/08/2020 inant – sambëgn ma tan dio fina che i libri se röa!
N’iniziativa dla biblioteca provinzala Dr. Friedrich Teßmann