© Landesbibliothek Teßmann
L à rujenà: Sepp Mall (autor), Katrin Klotz (Südtiroler Künstlerbund).
Crëscer, ndurì, passé: poejies sun cuntredes d’anes y de natura. Sun la vies dla vita linëuses y scures
Sepp Mall mët adum poejies tl sëni dl lën. Te n juech d’assoziazions nes abinel ite te n labirint che nes fej jì danter imajes de se n sté bën y de spavënc. Si poejies nes mëina dal bosch, che n ne vëij nia plu dal blo’ lëns che l ie, al lën dla sapienza, dal bosch de magia dla cunties fantastiches al leniam dejudià dal tëmp che conta de spavënc passei. Mall crieia na poesia mujela y tuchënta sun la scunjereda y l mucé ma nce sun la natura te si belëza manacënta y secudienta.
“Sepp Mall ie n poet sensibl che mëina cun si tesć la ududa sun l mond te purtoies poetics che lascia l sëni y l crieia imajes che dura tl tëmp.” Robert Huez, Literaturhaus Wien
Sepp Mall, nasciù dl 1955 a Graun, viv y lëura a Maran. L scrij dantaldut lirica y romanns, ma l fej nce traduzions dal talian (Kenka Lekovich: „Der Zug hält nicht in Ugovizza“) y l se à fat cunëscer pra l publich cun si juesc auditifs (ORF, RAI) y pec de teater. Do che l à venciù na lingia de pesć y stipendiums àl giapà per si culezion de poejies "Holz und Haut" (2020) l Gran stipendium leterer 2017/18 dl Land Tirol.
ME, 22.12.2020, DALA 11:00 INANT ONLINE!
L’ancunteda cun l autor tl FritzCube, l Videolab dla Biblioteca provinziela “Dr. Friedrich Teßmann”, ie unida registreda y la vën publicheda ai 22.12.20 dala 11:00 sun la plates web dla Biblioteca provinziela y dl Südtiroler Künstlerbund www.kuenstlerbund.org.
Na scumenciadiva dla Biblioteca provinziela “Dr. Friedrich Teßmann” y dl Südtiroler Künstlerbundes.