Ci é pa n’ëra? Co vëgn pa n’ëra perzepida? Cun ci desfidades vëgnera pa de por de confrontada? Ciügn é pa sü punc de forza?
Por respogne a chëstes domandes messunse ciaré derevers a nosta storia, mo ince inant a nosc dagní. Da stries a sirenes, dal rode de uma al’aboliziun completa poscibla dl jëne: les ëres, süa imaja y so rode tla cultura se müda tresfora.
Cun süa istalaziun rica de fassëtes “What was/is/will be a woman?” ti vá do Josefina Sundblad y Elisabeth Pfeifauf, studëntes dla Facolté de Design y Ert dl’Université lëdia de Balsan, ala domanda dl titul y inviëia les vijitadësses y i vijitadus dla mostra da se lascé ite da odëi y esperimenté tres i sënsc y fá na reflesciun sön sües manires da odëi.
Josefina Sundblad y Elisabeth Pfeifauf é presëntes ala daurida di “Monns di libri”, acompagnëia les vijitadësses y i vijitadus fora por les staziuns de süa creaziun artistica y respogn a sües domandes.
Video online!
Na manifestaziun dla Biblioteca provinziala Dr. Friedrich Teßmann