Hannah Arendt ê na ponsadëssa controversa, acorta, da coraje che nes lascia n’opera infinida. Dui conzec zentrai por la filosofia y politica dl 20ejim secul - "totalitarism" y "banalité dl mal" - vëgn da d’ëra. Ara á critiché la storia dla filosofia maschila, á dër ciaré de sües amizizies, é stada tl medemo tëmp zitadina dl monn y porsona zënza daciasa. Ara ti á dé n significat nü ala parora natalité y á daurí trus de pinsier nüs sön tematiches sciöche la pluralité, la liberté y l’aziun.
Al n’é nia tan saurí da ti jí do y capí la metafora dl “ponsé zënza clander” (“Denken ohne Geländer”) de Hannah Arendt - da tan che ara ê provocativa, cuntraditoria y anticonformistica.
Chësta sëra de discusciun cun Eva von Redecker, esperta de Hannah Arendt, y les döes TANNAs Heidi Hintner y Donatella Trevisan rapresentëia le tentatif da presenté la ponsadëssa brilanta Hannah Arendt y l’atualité de so pinsier: al dess gní mostré sö ci pinsiers feminisć che ara á porté tla teoria politica y nia inultima dess la discusciun fá gní vëia da "ponsé zënza clander".
Discusciun:
Eva von Redecker, filosofa y auturia
Heidi Hintner, insegnanta y direturia, TANNA
Donatella Trevisan, traduturia, TANNA
Can:
mertesc, ai 26.01.21, dales 18:00
ACHTUNG: Die Veranstaltung wird digital stattfinden! Aktuelle Informationen werden rechtzeitig hier und auf der Homepage des Südtiroler Kulturinstituts veröffentlicht.
Na scomenciadia de Teßmann + TANNA