La mostra "Bücherwelten im Waltherhaus" deura en chësc ann sües portes ma te na forma digitala. Impede les presentaziuns di libri y les mëses torones sön le program gnarál tigní tröpes manifestaziuns online; tres rodes virtuales fora por les corones de libri dessel gní descedé la coriosité sön les tröpes publicaziuns nöies dl ann 2020 metüdes fora chiló:
I podëis ti jí do a Markus Fritz (Ofize Biblioteches y letöra) sön so iade tres sü "favoric" danter les cunties, les antologies y i romans metüs fora tla seziun "beletristica": https://www.youtube.com/watch?v=be18eI9euys
Josefina Sundblad y Elisabeth Pfeifauf, studëntes dla Facolté de Design y Ert dl’Université lëdia de Balsan Ves acompagnëia tres les staziuns de süa creaziun artistica dal titul "What was/is/will be a woman?": https://www.youtube.com/watch?v=ChNidNODTpM&feature=youtu.be
Lascesse cunté val' deplü da Margot Schwienbacher Pichler (mediadëssa de leteratöra y redadëssa lëdia d.a. por Rai Südtirol) sön les operes, les auturies y i auturs che á ciafé n pest leterar tl setur "Vielfach Ausgezeichnet!” (“Premiá tröc iadi!“): https://youtu.be/VSU27qLBohA
I podëis jí cun Hannes Obermair (storich y senior researcher tl'Eurac) a fá n iade tres i libri che á da nen fá cun le Tirol presentá dal'Assoziaziun dles ciases edituries dl Südtirol y dala Biblioteca provinziala Teßmann: https://youtu.be/fSk96XuwogY
Siglinde Clementi (storica spezialisada tla storia dles ëres y de gender tl Zënter de competënza por Storia regionala dl'Université Lëdia de Balsan) Ves presentëia n valgönes publicaziuns nöies importantes dla seziun “*innenwelten” (“monns feminii”) che é l'argomënt zentral dla mostra “Bücherwelten” da chësc ann: https://youtu.be/GtoK4_WOEg0
Nia ma chësc mo cotan deplü Ves aspeta sön le canal YouTube de "Bücherwelten im Waltherhaus".