Home :: Atualità :: Manifestazions

JORNALISM DE CUALITÉ INCÖ – N DILEMA?

REFERAT CUN KLAUS MEIER

Bulsan: Waltherhaus - 4/4/2023 / 18:00

I media classics é aldedaincö tres plü sot a presciun: i cosć vá sö, le numer de ediziuns s'arbassa, tres plü porsones abina les informaziuns sön i social media, y gnanca l'inteligënza artifiziala ne ti sará ala mancianza de personal competënt. Combate por le publich é ri, ajache tla rëi él n gran numer de informaziuns y informaziuns falades debann. Tl medemo tëmp adora na sozieté democratica n jornalism sön chël che ara pó se lascé, chësc vëigon dantadöt te momënc de crisa. Vára ciamó da fá jornalism de cualité te chëstes condiziuns? Aladô de ci criters valutëion pa pordërt la cualité dl jornalism? Y co podess pa ciaré fora na strategia de cualité por n medium che mira al marcé regional?

Klaus Meier, professor de jornalism tla Katholischen Universität Eichstätt-Ingolstadt, porta dant te n referat ciodí che al vá debojëgn dl'inovaziun y coche le jornalism de cualité podess ciaré fora cun condiziuns cheder che se müda. Implü mostrel sö cun ci criters che an pó valuté la cualité dl jornalism.

Na manifestaziun dla sozieté por le lingaz todësch (Gesellschaft für deutsche Sprache), dl ofize linguistich dl istitut cultural todësch (Südtiroler Kulturinstitut), dla Biblioteca provinziala Dr. F. Teßmann, dl zënter de formaziun Volkshochschule Südtirol y dl Ordin di jornalisć dl Trentin-Südtirol.

ME, 04.04.2023, DALES 18:00
WALTHERHAUS, STR. SCILIAR 1, BALSAN
Entrada debann. Scriesse prëibel ite: sprache@kulturinstitut.org

← De reviers

Va al archif

Lunesc – Vënderdi	9.00 - 19.00
Sada (Lugio, Agost)	9.00 - 12.30