Home :: Atualità :: Manifestazions

LA “CITIZEN SCIENCE” INIER Y INCÖ

CONVËGN

Bulsan, Biblioteca Provinziala Dr. Friedrich Teßmann - 25/5/2023 - 26/5/2023

FR/VË/VE, 26.05.2023, 09:00-17:00

LES SCIËNZES DLES ZITADINES Y DI ZITADINS TL 19EJIM Y TL PRÖM 20EJIM SECUL, TOLON DANTADÖT EN CONSCIDRAZIUN LE TIROL
REFERAC Y DISCUSCIUNS DE ESPERTES Y ESPERC

La partezipaziun dles zitadines y di zitadins al svilup dla sciënza n'é nia na invenziun dl 21ejim secul. Bele da mez le 19ejim secul incá, canche la sciënza é gnüda profescionalisada, á les zitadines y i zitadins metü man da fá pert dla comunité scientifica. Al n’ess bonamënter nia podü se svilupé na sciënza spezialisada tles disciplines desvalies sce porsones, che ne â degöna formaziun scientifica, ne foss stades interessades y n'ess nia tut pert ativamënter ala racoiüda de materiai por i stüdi dl dagní. Cun so contribut y cun chël de funzionars statai éra ince jüda da rové pro n "savëi publich". Por le raiun storich dl Tirol él ma da ponsé por ejëmpl ales ativités de racoiüda dla borghejia, ales assoziaziuns museales organisades y aministrades da zitadines y zitadins a Desproch, Balsan y Maran, ala racoiüda dla Teßmann, mo ince a capitui dla storia contemporana dl ultim secul tl contest dles comisciuns dla "SS-Ahnenerbe".

Le convëgn a Balsan n'ó nia ma dé na idea dles chestiuns atuales dles sciënzes dles zitadines y di zitadins, mo ince tó en conscidraziun les "formes che é jüdes danfora dla sciënza partezipada" tl raiun storich dl'Europa zentrala y dantadöt dl Tirol. Le convëgn é sambëgn n invit davert a dötes les porsones interessades che se dá jö cun chësta tematica.

DO/JÖ/GIO, 25.05.2023, dales 19:00

LA “CITIZEN SCIENCE” INCÖ: PARTEZIPAZIUN ATIVA ALA SCIËNZA
REFERAC Y INTERVËNC DE ESPERTES Y ESPERC

Ci él pa iadô la metoda dla citizen science? Co pó pa n'organisaziun de finanziamënt sciöche p.ej. le Fonds por la promoziun dl'inrescida scientifica (FWF, Viena) sostigní la citizen science? Cal é pa l'interes dles zitadines y di zitadins ala sciënza? Chëstes y d'atres chestiuns gnará tematisades da espertes y esperc tl cheder de dui referac.

Flyer da desćiarié.
Les manifestaziuns vëgn tignides tl salf de letöra dla Biblioteca provinziala Dr. Friedrich Teßmann.

Na manifestaziun dla Biblioteca provinziala Dr. Friedrich Teßmann, dla Österreichische Akademie der Wissenschaften en colaboraziun cun l'Academia de Maran.

← De reviers

Va al archif

Lunesc – Vënderdi	9.00 - 19.00
Sada	9.00 - 16.00