Da dedoravia semiova la Dolomites giut alalongia tan che mpuscibles da arjonjer. L ne ie perchël nia da se fé marueia che al editëur de libri de viac John Murray ti recurdoveles i dënz tl gramblin de n aligatëur. I prim viagiadëures fova faszinei y emoziunei dala gran marueia!
Te si liber “Gezahnt wie der Kiefer eines Alligators. Was Reisende über die Dolomiten schrieben” à Ingrid Runggaldier purtà adum estrac de tesć ora dla opres dla leteratura mundiela, relazions de viac, lëtres, diares che lascia inò reviver l spirt de descurida da ntlëuta.
Te na cunversazion cun l jurnalist y rejisser de films Thomas Hainz conta l’autora de si nrescides y scuviertes n cont dla biografies di/dla truep autores che à esplurà la Dolomites. Peter Schorn, atëur liede per l film, la televijion y l teater liej ora de na selezion de tesć. Nsci ancuntons i/la pionieres dl viac tla Dolomites sciche p.ej. Josiah Gilbert y George C. Churchill, Amelia Edwards o Karl Baedeker y alpinisć sciche Emil Zsigmondy, Leone Sinigaglia o una dla prima espunëntes dl alpinism feminil modern, Jeanne Immink.
Ingrid Runggaldier ie tradutëura y se à ti ani dat ju cun lingac y leteratures tl cunfront, cun studesc sun la storia dl’ëiles, de gënder y dla mendranzes coche nce cun la storia dl alpinism y dl turism. Pra l editëur Raetia ie oradechël unì ora si liber “Frauen im Aufstieg. Auf Spurensuche in der Alpingeschichte” (2011).
Na manifestazion metuda a jì deberieda dala Biblioteca provinziela “Dr. Friedrich Teßmann” y dal editëur Raetia.
DALA 20:00