La Biblioteca provinziela Dr. Friedrich Teßmann nvieia adum cun l editëur Raetia ala presentazion dl liber „Lutherisch in Südtirol“. L autor Hans H. Reimer presentea si liber ai 18 de nuvëmber 2009 dala 20.00 ti selfs dla Biblioteca provinziela. Thomas Kager presenterà l autor y l l liber.
Hans H. Reimer fova dal 1994 al 2004 pluan dla cumenanza evangelica a Maran. L liber ie na storia di prutestanc te Südtirol y tl Trentin, n cuntribut ala storia dla cunfescions y ala storia culturela de Südtirol, ma nce ala storia dl turism tla Region Trentin-Südtirol y dl chemun de Maran.
TlAustria fova i Luttrische“ giut ala longia sometui a limitazions. A Maran iel permò dal 1876 na cumenanza evangelica recunesciuda giuridicamënter. Dadedò iel nasciù dliejes a Maran, Arco, Bulsan-Gries y Sulden, curtines a Maran, Arco y Bulsan sciche nce scoles y n cunvit de diaconisses a Maran, dedichei dantaldut ai ghesć y a si bujëns religëusc.
La prima gran viera, l fascism y l nazionalsozialism à belau safuià la vivanda dla cumenanza religëusa. Do la segonda viera mundiela à i ghesć renfurzà la cumenanza evangelica y l se à svilupà na ecumena praticheda cun la dlieja catolica.
Presentazion dl liber Hans H. Reimer: Lutherisch in Südtirol
Ulà: Biblioteca provinziela Dr. Friedrich Teßmann, Armando-Diaz-Str. 8, Bulsan
Can: 18 de nuvëmber 2009, dala 20.00