Home :: Atualità :: Manifestazions

VAGABUNDEN: ARMUT, BETTEL UND MOBILITÄT IM ZEITALTER DER INDUSTRIALISIERUNG

REFERAT CUN BEATE ALTHAMMER

Bulsan, Biblioteca Provinziala Dr. Friedrich Teßmann - 16/10/2023 / 20:00

La puertà à truep musc y nce la mubiltà se mostra te truepa formes – da chëles scialdi stimedes sozialmënter nchin a teles criminalisedes. Da vedlamënter, al plu tert dala fin dl Medieve, univa tl’Europa dantaldut la grupes sozieles te chëles che l se mescedova puertà y mubiltà ududes cun suspet: jënt zënza avëi che caderlova sun la stredes y jiva da cësa a cësa y da luech a luech petlan na bona man per tré inant. L petlé y l slunderné ncantëur ne ie danz nia sfantei cun l mëter man di tëmps moderns. Dut auter: chisc fenomens de puertà à iust tl tëmp dla industrialisazion, suvënz manaceda da crises, for inò giapà n sgors nuef. I pruvocova da una pert mesures dures de represcion ma dal’autra pert ovi nce na cërta forza de faszinazion coche ncarnazion de n dejadatamënt radical che ne se teniva nia ala normes dla populazion lauranta dumizieleda stabilmënter. Pian via da destins singui, descrij Beate Althammer te si referat l mudamënt dl vagabundé y dl petlé ti Paejes Tudësc danter l 19ejim y l 20ejim secul. La provinzia dl Rhein prussiana ie n bon ejëmpl da chël che n vëij scialdi bën coche l mudamënt sozio-economich se à purtà pro.

Moderazion de Francesca Brunet (Zënter de cumpetënza per la storia regiunela).

L referat ie pert dla lingia de cunferënzes “Geschichten von Mobilität, Marginalität und Unterdrückung in Vergangenheit und Gegenwart, Film und Kunst”. L program dla lingia de cunferënzes ie da udëi tlo.

Na manifestazion dla Biblioteca provinziela Dr. F. Teßmann y dl Zënter de cumpetënza per la storia regiunela dla Università Liedia de Bulsan.

Foto: Maurice Weiss, © re:work Berlin

← De reviers

Va al archif

Lunesc – Vënderdi	9.00 - 19.00
Sada	9.00 - 16.00