Nosc raport cun le lingaz se müda - mo ince l'imaja che nos se fajun dl lingaz. Le computer, l'internet, le smartphone, i media soziai ..., tröpes invenziuns dl ultimo tëmp á mudé dassënn la manira de sciöche i comunicun un cun l'ater sön le laur y tla vita privata. Tres la digitalisaziun se deurel trus nüs ince por la sciënza dl lingaz: ciamó mai n'él sté tan saurí da analisé sciöche les porsones adora veramënter le lingaz te ci contesć. Y ci ó pa döt chësc dí?

Le linguist Henning Lobin (diretur dl Leibniz-Institut für Deutsche Sprache, professur de linguistica germanica tl'Université de Mannheim) se dá jö cun chësta domanda da n punt d'odüda scientifich y descëda ince te n publich plü ampl l'interes por le tema dl lingaz te n'eté digitala cun sü libri "Engelbarts Traum. Wie der Computer uns Lesen und Schreiben abnimmt" y "Digital und vernetzt. Das neue Bild der Sprache", cun so blog „Die Engelbart-Galaxis“ o da sü referac.


© Videobeitrag: Henning Lobin

Na manifestaziun dla Gesellschaft für deutsche Sprache/seziun de Balsan, dl sorvisc linguistich dl Südtiroler Kulturinstitut y dla Biblioteca provinziala Dr. Friedrich Teßmann.

20:00

Iscriziun Nezesara: sprache@kulturinstitut.org; tel. 0471-313820

Avertimënt: la manifestaziun gnarà trasmetüda en direta sön la plata Facebook dal Südtiroler Kulturinstitut y plü tert publiché sön le canal Youtube.