Vigni pice post de chësc monn é adaté sciöche post d’aziun dla leteratöra. Mo vigni post d’aziun dla leteratöra é gnü chirí fora cun atenziun. Chësc vel dantadöt por i sis romans dles auturies y di auturs de chësc De dla leteratöra. Anselm Oelze ti vá do te so pröm roman "Wallace" ai iadi ric d'aventöra de n inrescidú dla natöra. Che n iade cun l’auto tres l'Africa dl süd pois salvé süa relaziun é l’idea vagada di personaji prinzipai tl roman "Benzin" de Gunter Geltinger. N’ëra che ne vëgn por panica nia fora de süa abitaziun y n ël che dedichëia süa vita al'utopia de na Ucraina independënta vëgn liá adöm tl liber "Blauwal der Erinnerung" de Tanja Maljartschuk. Ti posć de n'infanzia tl Tirol rural condüj le pröm roman de Elisabeth R. Hager "Fünf Tage im Mai". Atramënter co programé vá ince le scomenciamënt de n amur tl roman "Dort" de Niko Stoifberg. Raphaela Edelbauer inalzëia te so roman “Das flüssige Land” le paisc imaginar Groß-Einland a scenar de so liber. Cun letöres cörtes y discusciuns suandëntes devënta le De dla leteratöra 2020 na spediziun te posć d'aziun veramënter speziai dla leteratöra contemporana.

Na manifestaziun dla Biblioteca provinziala Teßmann, dla Lia dles artistes y artisć dl Südtirol y dl Südtiroler Kulturinstitut (zënter linguistich).