I leterac dl Burgenland Gerhard Altmann y Michaela Frühstück incunta i auturs dl Südtirol Matthias Vesco y Anne Marie Pircher sön le tema dl'identité.

Gerhard Altmann vir a Pöttsching (Burgenland) y scrí lirica y prosa. So pröm liber „himmel hammel hummel“ ál publiché dl 1995; da dailó incá él gnü fora tröpes d'atres operes. Al scrí regolarmënter por antologies y revistes. A sü tesć da n corú dialetal ti dál sovënz na cornisc musicala cun la chitara.

Michaela Frühstück é jornalista culturala y laora sciöche redaturia dl ORF Burgenland. Ara á studié spagnol y materies mediatiches a Graz y á publiché te chësc tëmp stories y comedies radiofoniches. So pröm roman „Teta Jelka überfährt ein Hendl“ é gnü publiché dl 2012; püch dedô él gnü fora la comedia radiofonica dal medemo titul.

Anne Marie Pircher é n’auturia lëdia y vir sön n mesc dlungia Maran. Dal 2000 incá publichëiera poesies, stories y teatri. „Das Haus meiner Mutter“ (2017), la storia de na jona de 17 agn é süa ultima publicaziun.

Matthias Vesco vir y laora sciöche maester y autur a Balsan. Süa pröma opera é gnüda publicada dl 2017 sot le titul „Berichte eines Köters“; implü ál publiché poesies y tesć sperimentai.


Introduziun de Sylvia Hofer, Repartiziun Cultura todëscia
Le barat vëgn tigní tl cheder dl jomelinaje cultural Südtirol – Burgenland.

En jöbia, ai 4 d'otober dales 20.00