Al n'é nia n formula de suzes sön sciöche an fej da scrí veramënter n bel liber. La critica leterara y studiosa de leteratöra Daniela Strigl á porimpó n consëi por dötes les porsones che scrí: "Fajede sot a düc i aspec te vigni caje atramënter." Te so liber nü „Alles muss man selber machen. Biographie, Kritik, Essay“ (Literaturverlag Droschl, 2018) ne ti ciarera nia ma al'ert dl scrí leterar, mo ara analisëia ince le scrí de leteratöra, sciöche tla critica leterara, tl essay o tla biografia. Ci che fej a na moda che ëra instëssa lies y baies de libri, n'é nia na misciun dla „mediaziun de partner de letöra“, mo, sciöche Alfred Kerr á reconesciü, na rajun egoistica: la coriosité. Descedé chësc cian che dorm, che ó gní descedé, é bonamënter la dërta ert de n bun test.

Tla ligna “Impulsc sön le lingaz y la cultura” presentëia Daniela Strigl so liber nü y ti ciara al'ert da scrí y dé inant leteratöra.

Daniela Strigl é na critica leterara, n'essayista y na studiosa de leteratöra tl Istitut de germanistica tl'Université de Viena. Sciöche biografa s'ára dantadöt dé jö cun Marlen Haushofer y Marie von Ebner-Eschenbach („Berühmt sein ist nichts. Marie von Ebner-Eschenbach. Eine Biographie“, 2016). Ara é stada y é iurora de tröc pesć, danterater dl pest dla leteratöra Franz-Tumler y dl pest Ingeborg-Bachmann (2003-2014). Ara á ciafé le pest statal austriach por la critica leterara (2001), le pest por l'essay Max Kade (2007), le pest Alfred Kerr (2013) y le pest por la critica leterara de Berlin (2015).

Referënta: Dr. Daniela Strigl, critica leterara, biografa, essayista, studiosa de leteratöra tl Istitut de germanistica tl'Université de Viena
Ora: En jöbia, ai 3 de ma dl 2018, dales 20:00
Post: Biblioteca provinziala Dr. Friedrich Teßmann, strada Armando-Diaz 8, Balsan
Entrada debann

Na manifestaziun deboriada cun la Biblioteca provinziala Dr. Friedrich Teßmann y l'Ofize linguistich dl Istitut cultural dl Südtirol