Dan urmei plu che 150 ani ova doi gentlemen nglëisc y si fenans fat n viac tres na terra incognita de gran trajënza: la Dolomites. Cun marueia. Plëns de ntujiasm. For inò. Cun la calés, cun mui, suvënz a pe. I prim turisć! Si liber de viac “The Dolomite Mountains” ie unìt ora dl 1864 a London y à per l prim iede purtà ala lum dl mond “i crëps majarei” che fova nchin ntlëuta tan che mé cunesciui da si abitanc. Da ntlëuta ie la Dolomites n travert dejidrà tl cuer dla Elpes. Y da diesc ani incà patrimone naturel mundiel Unesco. Si “belëza monumentela unica” ie unida scuvierta, nfrusceda y festejeda tres chësc liber.

L jurnalist Erwin Brunner, nasciù a Sanciana, à studià a Viena y l viv dal 1982 a Hamburg. Do ani de lëur de redatëur pra la ZEIT, Merian y coche caporedatëur dl National Geographic lëurel ncuei coche jurnalist liede y autor.

Scumenciamënt – dala 20.00

Biblioteca provinziela Dr. Friedrich Teßmann
Streda A.-Diaz 8
I-39100 Bulsan
www.tessmann.it