Sovënz vëgnel cunté de tan saurí che i mituns impara la gramatica de n lingaz. Tres la gramatica portunse a espresciun tröp: ara nes conzed da trasformé parores te frases che é ó dí val’. Ara nes conzed da baié te vigni momënt de cosses, porsones y esperiënzes, ince sce al é bele dî ca o sce al dess impormó sozede. Y al é la condiziun de basa por na comunicaziun zënza malintenüdes. I mituns de cater agn á bele bele na gran competënza gramaticala, che ai miorëia ti agn de scora. Mo al é ince impedimënc sön le tru che condüj a n lingaz che é a livel gramatical corët, sciöche le svilup dl lingaz de n valgügn mituns desmostra. Co imparon pa pordërt la gramatica? Co pa pa i geniturs sostigní sü mituns? Y da ci degré de dificoltés gramaticales vál pa debojëgn de na terapia?
La logopeda y linguista clinica Silke Kruse spliga te so referat sciöche i mituns impara la gramatica y da ci vari dl svilup che chësc depënn, sciöche an pó sostigní i mituns y ci che le desturb linguistich desgramatism é.

Referënta: Dr. Silke Kruse, logopeda, linguista clinica
Ora: En vëndres, ai 20 d'aurí dl 2018, dales 20:00
Post: Biblioteca provinziala Dr. Friedrich Teßmann, strada Armando-Diaz 8, Balsan
Entrada debann

Na manifestaziun dl ofize linguistich dl Istitut cultural dl Südtirol y dla Biblioteca provinziala Dr. Friedrich Teßmann