Che sunse pa, da olá gnunse pa, olá junse pa? Co valutunse pa la migraziun, l'integraziun y i dërc dles porsones? Co se comportunse pa ti confrunc dles iniustizies soziales? Co dessel pa gní mosoré tl dagní le bëgnester y le svilup sozial? Co y ciodí se müda pa le clima? Ci ól pa dí por l'ambiënt y la natöra che i anuzun te na mosöra tan ampla les materies prömes de chësc monn? Tan adorunse pa da vire? Cara é pa la funziun dla porsona? Chëstes y cotan d'atres domandes se dará jö cun le tema "Zukunft gestalten-Cherié le dagní" y al gnará ciaré da fá propostes de soluziun.

Fora de chëstes publicaziuns unse chirí 12 zitaziuns y i un tipograficamënter fat adinfora plates de n calënder. I Ves inviun da cöie adöm vigni mëis les plates dl calënder, les taché sö, les incramplé adöm y injunté üsc pinsiers o se fá anotaziuns lassura.

N'oferta en colaboraziun cun la Biblioteca provinziala Dr. Friedrich Teßmann, le zënter di libri por la jonëza y i mituns y le zënter linguistich tl Südtiroler Kulturinstitut.