Bele da generaziuns incá él i pici sföisc ghei dla Reclam che caraterisëia le pröm contat scolastich cun le drama. Canche an se dá jö por le pröm iade cun le teater él por le plü la parora, nia la rapresentaziun teatrala. Mo scrí por le teater ne n'ó nia dí scrí libri, mo bëgn tesć che é adatá por deventé n avenimënt teatral. Ara se trata da traspone sües stories te n scenar, che ciafa forma sön paladina. Ti rové pormez a n drama tres la letöra é sciöche sce an ti ciarass ala musiga ma coche partitöra.
Tla seria de manifestaziuns "Impulsc de lingaz y cultura" baiará John von Düffel de ci che desfarenziëia sostanzialmënter le scrí dramesc y le scrí te prosa, ince sce i confins stari danter i genre leterars se desfanta tres deplü. Cun l'ejëmpl dla dramatisaziun dla storia "Das Feuerschiff" de Siegfried Lenz pón odëi le coliamënt creatif de trami i genre.

John von Düffel é n autur conesciü de romans, toc de teater y essays y laora sciöche dramaturgh pro le Deutsches Theater Berlin. De merz dl 2017 él gnü fora so ultim roman "Klassenbuch". Tl cheder de tröpes professöres sön cherdada y professöres de poetica insëgnel le scrí scenich y á publiché deboriada cun Klaus Siblewski l'opera standard "Wie Dramen entstehen".

Referat y discusciun cun John von Düffel tl cheder dla seria de manifestaziuns nöia „Impulse zu Sprache und Kultur“ dl Ofize linguistich tl Istitut cultural dl Südtirol y dla Biblioteca provinziala Dr. Friedrich Teßmann.



dales 18:30

Waltherhaus - Haus der Kultur
Schlernstr. 1
I-39100 Balsan