N viac tl cuer fulestier, ireél dla Gran Bretania tl scumenciamënt dl milené nuef. Zaredes pea dai flusc che les ne ie no bones de ntënder no de avisé, se abina Rachel y Alison te na nazion che ie delusa dala realtà, ma faszineda dala reality-shows. Les anconta banchieres moralmënter falii cun chinos privac, nudadoies curides y ciuleies bën mplenii y jënt che aspieta te na lingia pra la mensa di pueresc dla zità. Tamez ite iel na familia nraviseda iló da giut che fej dl dut acioche nia ëila lëure per l paesc, ma l paesc lëure per si profit. N’opra ezelënta dl satirich britanich plu liet.

“L miëur scritëur de si generazion” NICK HORNBY
“Da druch y da mat da rì ... l cunfermea la reputazion de Coe coche l miëur satirich de nosc tëmps.” SPECTATOR
“Coe ie un di autores reres che nes conta zeche dl’atmosfera de nosc tëmps” OBSERVER
“La cumbinazion de nostalgia y rabia te nosc tëmp che mët sot al udlon l uet moral tla politica, la inarzicabltà di super-rics y la crudeltà saurida dla reality-TV fej chësc liber tan bon.” GUARDIAN, Book of the Year

Jonathan Coe ie nasciù dl 1961 a Birmingham. L à studià a Cambridge y Warwick y l viv a Londra. L ie un di autores britanics cuntemporeres plu mpurtanc y da rì. Si libri toca pra chëi plu liec te duta la Gran Britania, danter l auter i bestsellers Die Familie Winshaw (1996), Das Haus des Schlafes (dt. 2006), Die ungeheuerliche Einsamkeit des Maxwell Sim. (2010). Na lingia de pesć, danter l auter l Prix Médicis, Ordre des Arts et des Lettres.

La manifestazion ie tla rujeneda nglëija.
Paroles danora y moderazion: Christoph Pichler, RAI Südtirol.

Na scumenciadiva metuda a jì dala Biblioteca provinziela Dr. Friedrich Teßmann y dala Edizion Folio.

Dala 20:00

Biblioteca provinziela Dr. Friedrich Teßmann
Str. A.-Diaz. 8
I-39100 Bulsan
www.tessmann.it

Foto Coe: Valeria Cardi