Ferata de nöt por Lisbona (por todësch)

Filmaziun dl roman che porta le medemo inom dl roman de Pascal Mercier (alias Peter Bieri). Le maester de latin Raimund Gregorius salva na jona che ó se tó la vita y dailó ti tomel tles mans le liber misterius de n autur portoghej nia conesciü y na cherta por la ferata de nöt por Lisbona. Spontanamënter dál sö süa vita a Bern y ti vá do ales pedies dla storia da dan da püch dl Portugal, de n drama familiar misterius y de süa vita.

Regia: Bille August

Aturs/aturies: Jeremy Irons (Raimund Gregorius), Jack Huston (Amadeu de Prado), Martina Gedeck (Mariana), Mélanie Laurent (Estefânia) y d’ atri/atres.

Dorada dl film: 107 menüc
Nia adaté a n publich sot ai 12 agn

La curt dla biblioteca devënta, pornanche al vëgn scür, n cinema alaleria idilich. Gnide a se gode, do n de cialt d’ isté, films straordinars de romans te n ambiënt da sté saurí.

Le film da sëra alaleria gnará ma mostré sce le tëmp é bel. Informaziuns sön la desdita pón ciafé sön la plata www.tessmann.it .

L’entrada é debann
Scomenciamënt: incër les 21:00
Al vëgn lascé ite dales 20:30 inant.

Sëres de films organisades dala Biblioteca provinziala Dr. F. Teßmann y dal Ofize Film y media

Pruspet