I aventuriers de vera dla Talia tl tëmp dal 1935-1939 tl'Etiopia y tla Spagna orô dí n salt de cualité tl rode da precursur dl fascism a livel internazional, n renforzamënt dla crëta de Mussolini tla forza militara taliana y inultima l'avijinamënt definitif a Hitler.
Le sföi trata dles esperiënzes di combatënc dl Südtirol, dl Trentin y dl Tirol che á tut pert ales döes veres fascistes dala pert dl rejim sciöche ince dala pert di antifascisć volontars tla vera zivila spagnola.

Cun:
Andrea Di Michele, editur de chësc sföi, Zënter de competënza Storia regionala dl'Université Lëdia de Balsan.
Sebastian De Pretto, Joachim Gatterer, Enzo Ianes, Friedrich Stepanek, Lorenzo Vicentini und Davide Zendri.

Na manifestaziun dla Biblioteca provinziala Dr. Friedrich Teßmann deboriada cun "Geschichte und Region / Storia e regione"