Le turism sciöche un di seturs economics plü importanc dl Tirol fej a na moda che les porsones ais contac cun d‘atri lingac y d’atres varietés regionales dl todësch: Ci che le tirolej conësc sciöche “Topfen” (ciote), é por i ghesć dai Paisc Todësc “Quark”, “Schotten” o “Weißkäse”. Mo nia ma i ghesć, bëgn ince che che laora tl turism condüj adalerch lingac y varietés. Le proiet „SPIRIT Tirol“ (Lingac y varietés te regiuns cun tröp turism l’ejëmpl dl Tirol), che vëgn fat tl Istitut de Germanistica dl’Université da Desproch, ti vá do ala domanda, co che la „jënt dl post“ se regolëia a livel linguistich ti confrunc de ghesć y personal da foradecá: Olá é pa l’adatamënt linguistich? Olá vëgnel pa anuzé i lingac y la competënza linguistica sciöche fatur de marketing? Y olá é pa le lingaz n impedimënt?
La linguista Prof. Dr. Monika Dannerer presentëia i pröms resultac de chësc stüde y fej ponsé sura le publich sön tan de adatamënt linguistich che al ó ester y tan de autonomia che al pó ester.

Referënta: Univ.-Prof. Dr. Monika Dannerer, Istitut de Germanistica dl’Université de Desproch

Na manifestaziun dla Gesellschaft für deutsche Sprache/Seziun de Balsan y la Biblioteca provinziala Dr. Friedrich Teßmann